ຈີນປະກາດໃຊ້ແຜນການສຸກເສີນຕໍ່ເຫດການຄວາມປອດໄພດ້ານອາຫານ
(GMT+08:00) 2011-10-15 15:53:10 cri
ວັນທີ14ຕຸລານີ້,ເວັບໄຊລັດຖະບານຈີນໄດ້ເປີດເຜີຍແຜນການຮັບມືສຸກເສີນຕໍ່ເຫດການຄວາມປອດໄພດ້ານອາຫານຂອງຈີນສະບັບດັດແກ້ໃໝ່,ຊຶ່ງຈະແບ່ງເຫດການຄວາມປອດໄພດ້ານອາຫານເປັນ4ກໍລະນີຄືເຫດການຄວາມປອດໄພດ້ານອາຫານກໍລະນີໜັກໜ່ວງທີ່ສຸດ,ເຫດການຄວາມປອດໄພດ້ານອາຫານກໍລະນີໜັກໜ່ວງ,ເຫດການຄວາມປອດໄພດ້ານອາຫານກໍລະນີໜັກໜ່ວງສົມຄວນແລະເຫດການຄວາມປອດໄພດ້ານອາຫານກໍລະນີທຳມະດາ
ຕາມແຜນການດັ່ງກ່າວ,ພາຍຫຼັງເກີດເຫດການຄວາມປອດໄພດ້ານອາຫານແລ້ວ,ພາກສ່ວນບໍລິຫານສາທາລະນະສຸກຈະອີງຕາມກົດໝາຍທີ່ກ່ຽວຂ້ອງຈັດຕັ້ງການວິເຄາະປະເມີນຜົນຕໍ່ເຫດການ,ແລ້ວກວດສອບຕົກລົງເຫດການເປັນກໍລະນີໜັກຫຼືເບົາ.ຖ້າເປັນກໍລະນີໜັກທີ່ສຸດ,ພາຍຫຼັງໄດ້ຮັບການອະນຸມັດຈາກຄະນະລັດຖະບານແລ້ວ,ສ້າງຕັ້ງຫ້ອງການແກ້ໄຂສຸກເສີນຄວາມປອດໄພດ້ານອາຫານແຫ່ງຊາດເພື່ອນຳພາແລະຊີ້ນຳວຽກງານແກ້ໄຂເຫດການຢ່າງເປັນເອກະພາບກັນ.
ນອກນີ້,ແຜນການຮັບມືສຸກເສີນຍັງຮຽກຮ້ອງໃຫ້ສ້າງຕັ້ງລະບົບຮັບປະກັນໃນການຮັບມືກັບເຫດການຈາກດ້ານຕ່າງໆເຊັ່ນຂໍ້ມູນຂ່າວສານ,ການປິ່ນປົວແລະຮັກສາສຸຂະພາບ,ບຸກຄະລາກອນແລະເຕັກນິກ,ວັດຖຸຊັບສິນແລະຄ່າໃຊ້ຈ່າຍເປັນຕົ້ນ.ກະຊວງສາທາລະນະສຸກເປັນຜູ່ຮັບຜິດຊອບການຄຸ້ມຄອງເປັນເອກະພາບກັນຕໍ່ລະບົບເຄືອຂ່າຍຂໍ້ມູນຂ່າວສານກ່ຽວກັບຄວາມປອດໄພດ້ານອາຫານ.
