ເລຂາທິການໃຫຍ່ອາຊຽນຮຽກຮ້ອງໃຫ້ເລັ່ງລັດສ້າງຕັ້ງສູນຊ່ວຍເຫຼືອແບບມະນຸດສະທຳຂອງອາຊຽນ
(GMT+08:00) 2011-10-15 14:19:42 cri
ວັນທີ14ຕຸລານີ້,ກອງເລຂາອາຊຽນອອກຖະແຫຼງການວ່າ,ທ່ານສຸລິນ ພິດສຸວັນ,ເລ ຂາທິການໃຫຍ່ອາຊຽນຮຽກຮ້ອງໃຫ້ປະເທດພາຄີຂອງອາຊຽນເລັ່ງລັດສ້າງຕັ້ງສູນຊ່ວຍເຫຼືອແບບມະນຸດສະທຳອາຊຽນເພື່ອຮັບມືກັບໄພທຳມະຊາດທີ່ເກີດຂຶ້ນຢ່າງກະທັນຫັນ.
ຖະແຫຼງການຂຽນວ່າ,ທ່ານສຸລິນຂຽນຈົດໝາຍໄປຍັງລັດຖະມົນຕີວ່າການກະຊວງການຕ່າງປະເທດແລະລັດຖະມົນຕີວ່າການກະຊວງປ້ອງກັນປະເທດຂອງຫຼາຍປະເທດ,ເຊັ່ນ:ກຳປູເຈຍ,ລາວ,ຟິລິບປິນ,ໄທແລະຫວຽດນາມ,ສະແດງຄວາມເຫັນໃຈຕໍ່ປະເທດເຫຼົ່າ ນີ້ທີ່ໄດ້ເກີດໄພນ້ຳຖ້ວມຍ້ອນປະສົບລົມໄຕ້ຟຸ່ນ,ທ່ານສຸລິນຮຽກຮ້ອງໃຫ້ປະເທດພາຄີຂອງອາຊຽນປະສານງານເປັນເອກະພາບກັນເພື່ອຮັບມືກັບໄພທຳມະຊາດຢ່າງບັງເກີດຜົນ.
ທ່ານສຸລິນກ່າວວ່າ,ອາຊຽນຍິນດີສົ່ງໜ່ວຍງານຮັບມືສຸກເສີນໄປໄທ,ເພື່ອຊ່ວຍປະເມີນຜົນຕໍ່ສະພາບການປະສົບໄພໃນເບື້ອງຕົ້ນ.ໜ່ວຍງານນີ້ຈະລວມທັງຜູ່ຊ່ຽວຊານ4ຫາ5ຄົນ,ປະສານງານອາຊຽນແລະປະຊາຄົມໂລກໃນການຊ່ວຍໄທດຳເນີນການກູ້ໄພສຸກເສີນແລະການສ້າງສາຄືນໃໝ່ຫຼັງໄພພິບັດເປັນເວລາຍາວນານ.
ລົມໄຕ້ຟຸ່ນ"ເນຊາດ"ແລະ"ນາວໄກ"ພ້ອມດ້ວຍໄພນ້ຳຖ້ວມທີ່ເກີດຂຶ້ນຕາມມາໄດ້ສ້າງຜົນເສຍຫາຍອັນໜັກໜ່ວງໃຫ້ແກ່ບັນດາປະເທດອາຊຽນ.ພາໃຫ້ຟິລິບປິນ102ຄົນເສຍຊີ ວິດ,39ຄົນຫາຍສາບສູນ,ຫຼາຍໝື່ນຄົນບໍ່ມີບ່ອນເພີ່ງພາອາໄສ.ຢູ່ກຳປູເຈຍ,ມີປະຊາກອນຜູ່ປະສົບໄພປະມານ1ລ້ານ2ແສນຄົນ,ຄາດວ່າ,ໄພນ້ຳຖ້ວມຈະພາໃຫ້ມີຄວາມເສຍຫາຍດ້ານເສດຖະກິດຫຼາຍກວ່າ160ລ້ານໂດລາສະຫະລັດ.ໃນ77ຈັງຫວັດຂອງໄທ,ມີ58ຈັງຫວັດເຄີຍຖືກນ້ຳຖ້ວມ,ປະຈຸບັນຍັງມີ25ຈັງຫວັດມີສະພາບການປະສົບໄພຢ່າງໜັກໜ່ວງຢູ່.
