ໃນສົກການເງິນປີ2011,ລັດຖະບານອາເມລິກາມີຂຸມການເງິນເກືອບ1300ຕື້ໂດລາ,ຊຶ່ງໄດ້ສ້າງສະຖິຕິທີ່ມີຂຸມການເງິນຫຼາຍກວ່າ1000ຕື້ໂດລາເປັນ3ປີລຽນຕິດ
(GMT+08:00) 2011-10-15 14:26:37 cri
ຕາມຕົວເລກທີ່ກະຊວງການເງິນອາເມລິກາເຜີຍແຜ່ໃນວັນທີ14ຕຸລານີ້ສະແດງໃຫ້ເຫັນວ່າ,ໃນສົກການເງິນປີ2011(ຊຶ່ງນັບມາຮອດທ້າຍເດືອນກັນຍາປີ2011ນີ້),ຂຸມການເງິນຂອງລັດຖະບານສະຫະລັດອາເມລິກາແມ່ນ1299ຕື້ໂດລາ,ຊຶ່ງໄດ້ສ້າງສະຖິຕິທີ່ຂຸມ ການເງິນຂອງລັດຖະບານສະຫະລັດຫຼາຍກວ່າ1000ຕື້ໂດລາເປັນ3ປີລຽນຕິດ.
ກະຊວງການເງິນອາເມລິກາກ່າວວ່າ,ຂຸມການເງິນໃນສົກປີ2011ແມ່ນຢູ່ໃນລະດັບສູງທີສອງໃນປະຫວັດສາດ,ຕ່ຳກວ່າລະດັບສູງສຸດໃນປະຫວັດສາດ ຄືໃນສົກປີ2009ມີ1410ຕື້ ໂດລານັ້ນໜ້ອຍໜຶ່ງ.
ຕົວເລກສະແດງໃຫ້ເຫັນວ່າ,ຂຸມການເງິນໃນສົກການເງິນປີ2011ກວມ8,7%ຂອງ ລວມຍອດຜະລິດຕະພັນພາຍໃນຫຼືGDP, ອັດຕາສ່ວນນີ້ແມ່ນຕ່ຳກວ່າປີ2010ແລ້ວນີ້ໜ້ອຍໜຶ່ງ.ລາຍໄດ້ການເງິນມີ2300ຕື້ໂດລາ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 6,5%;ສ່ວນລາຍຈ່າຍການເງິນມີ3600ຕື້ໂດລາ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 4,2%.
ນັກເສດຖະສາດເຫັນວ່າ,ຍ້ອນຂຸມການເງິນອາເມລິກາແມ່ນມີລະດັບສູງເປັນຫຼາຍປີຕິດໆກັນ,ໜີ້ສິນສາທາລະນະຢູ່ສະພາບການທີ່ພັດທະນາຢ່າງຕໍ່ເນື່ອງບໍ່ໄດ້,ອັດຕາຫວ່າງງານຍັງສູງຫຼາຍ,ເສດຖະກິດເຕີບໂຕຢ່າງຊັກຊ້າ,ສະພາບການທີ່ອາເມລິກາມີຂຸມການເງິນຫຼາຍນັ້ນແມ່ນຍາກທີ່ຈະມີການປ່ຽນແປງໃນເວລາສັ້ນໆ.
