ຈີນຫວັງໃຫ້ຝ່າຍທີສາມເຄົາລົບຄວາມເປັນເອກະລາດຂອງປະເທດທີ່ກ່ຽວຂ້ອງໃນການແກ້ໄຂຄວາມຂັດແຍ່ງກັນກ່ຽວກັບທະເລຈີນໃຕ້ໂດຍຜ່ານການເຈລະຈາລະຫວ່າງສອງຝ່າຍ
(GMT+08:00) 2011-10-17 18:14:51 cri
ເມື່ອບໍ່ດົນມານີ້,ໃນເວລາຢ້ຽມຢາມສາມປະເທດອາຊີອາຄະເນ,ລັດຖະມົນຕີວ່າການກະຊວງການຕ່າງປະເທດຍີ່ປຸ່ນສະເໜີໃຫ້ສ້າງຂອບຫຼາຍຝ່າຍເພື່ອແກ້ໄຂຄວາມຂັດແຍ່ງກັນກ່ຽວກັບບັນຫາທະເລຈີນໃຕ້.ນອກນີ້,ໂດຍແນໃສ່ຖະແຫຼງການຮ່ວມທີ່ຈີນຫວຽດນາມເຊັນກັນໃນຫວ່າງມໍ່ໆນີ້,ຟິລິບປິນໄດ້ສະແດງຄວາມຄັດຄ້ານ,ແລະຮຽກຮ້ອງໃຫ້ແກ້ໄຂຄວາມຂັດແຍ່ງກັນກ່ຽວກັບບັນຫາທະເລຈີນໃຕ້ດ້ວຍຫຼາຍຝ່າຍແຕ່ບໍ່ແມ່ນວິທີຫາລືກັນລະຫວ່າງສອງຝ່າຍ.
ກ່ຽວກັບເລື່ອງນີ້,ວັນທີ17ຕຸລານີ້,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ,ທ່ານລິວເວີຍມີນ, ໂຄສົກຂອງກະຊວງການຕ່າງປະເທດຈີນກ່າວວ່າ,"ຖະແຫຼງການຮ່ວມຈີນຫວຽດນາມ"ມີຄວາມໝາຍສຳຄັນໃນການຊີ້ນຳຊຸກຍູ້ການພັດທະນາການພົວພັນລະຫວ່າງສອງຝ່າຍຢ່າງປອດໃສແລະໝັ້ນທ່ຽງແລະຍາວນານ.ຈີນແລະຫວຽດນາມແກ້ໄຂຄວາມຂັດແຍ່ງກັນທາງທະເລລະຫວ່າງສອງປະເທດໂດຍຜ່ານການເຈລະຈາກັນໂດຍບໍ່ມີການກ່ຽວພັນກັບຝ່າຍທີສາມ,ຫວັງໃຫ້ຝ່າຍທີສາມເຄົາລົບຄວາມເປັນເອກະລາດຂອງປະເທດທີ່ກ່ຽວຂ້ອງທີ່ທຳຄວາມພະຍາຍາມເພື່ອແກ້ໄຂຄວາມຂັດແຍ່ງກັນໂດຍຜ່ານການເຈລະຈາລະຫວ່າງສອງຝ່າຍ.ທ່ານກ່າວເນັ້ນວ່າ,ການນຳເອົາບັນຫາທະເລຈີນໃຕ້ໄປຫາລືກັນຢູ່ເວທີຫຼາຍຝ່າຍແມ່ນບໍ່ມີຜົນດີຕໍ່ການແກ້ໄຂບັນຫານີ້,ມີແຕ່ຈະເຮັດໃຫ້ບັນຫານີ້ມີຄວາມຫຍຸ້ງຍາກສັບສົນ ຂຶ້ນກວ່າເກົ່າ.
