ວັນທີ17ຕຸລານີ້, ຢູ່ທີ່ປັກກິ່ງ, ທ່ານນາງເຮເລນ ຄຼາກ, ປະທານອົງການສະຫະປະຊາຊາດເພື່ອການພັດທະນາຫຼືUNDPກ່າວວ່າ, ເຖິງວ່າສະຖານະການເສດຖະກິດໂລກໃນປະຈຸບັນເຂັ້ມງວດຫຼາຍກໍ່ຕາມ,ແຕ່ທົ່ວໂລກຍັງຄາດວ່າບັນລຸເປົ້າໝາຍສະຫັດສະວັດດ້ານການພັດທະນາຂອງສະຫະປະຊາຊາດທີ່ຫຼຸດອັດຕາຄວາມທຸກຍາກຂອງປະຊາຊົນທົ່ວໂລກລົງເຄິ່ງໜຶ່ງກ່ອນປີ2015.
ວັນທີ17ຕຸລາແມ່ນວັນລຶບລ້າງຄວາມທຸກຍາກສາກົນ. ທ່ານນາງຄຼາກແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມກິດຈະກຳທີ່ກ່ຽວຂ້ອງຢູ່ນະຄອນຫຼວງປັກກິ່ງໃນມື້ດຽວກັນ,ຈີນໄດ້ທຳຄວາມພະຍາຍາມອັນໃຫຍ່ຫຼວງໃນການຊຸກຍູ້ການບັນລຸເປົ້າໝາຍຫຼຸດຜ່ອນຄວາມທຸກຍາກຂອງສະຫະປະຊາຊາດ. ໃນປີ1981ຫາປີ2005,ຈີນໄດ້ປະສົບຜົນສຳເລັດອັນໃຫຍ່ຫຼວງໃນການຊ່ວຍເຫຼືອປະຊາຊົນ 550ລ້ານຄົນພົ້ນອອກຈາກຄວາມທຸກຍາກທີ່ສຸດ. UNDPໄດ້ສຸມກຳລັງເຂົ້າໃນການເຜີຍແຜ່ບົດຮຽນຂອງຈີນໄປສູ່ທົ່ວໂລກມາໂດຍຕະຫຼອດ.
