ຈີນຮຽກຮ້ອງໃຫ້ຝ່າຍຕ່າງໆກ່ຽວກັບບັນຫາຕາເວັນອອກກາງສ້າງເງື່ອນໄຂໃຫ້ແກ່ການຈັດການເຈລະຈາໂດຍສັນຕິຄືນໃໝ່
(GMT+08:00) 2011-10-18 18:07:57 cri
ຕາມຂ່າວCRI:ຕາມໄດ້ຮູ້,ວັນທີ26ຕຸລານີ້,"ກົນໄກສີ່ຝ່າຍ"ກ່ຽວກັບບັນຫາຕາເວັນອອກກາງທີ່ປະ ກອບດ້ວຍອາເມລິກາ,ສະຫະພາບເອີຣົບ,ສະຫະປະຊາຊາດແລະຣັດເຊຍຈະສົ່ງຜູ່ແທນໄປເຢ ລູຊາເຣັມ,ຈັດການເຈລະຈາກັບເຈົ້າໜ້າທີ່ຂອງອິດສະລະແອນແລະກັບເຈົ້າໜ້າທີ່ຂອງປາເລັດສະຕິນກ່ຽວກັບການຈັດການເຈລະຈາໂດຍສັນຕິໂດຍກົງລະຫວ່າງປາເລັດສະຕິນກັບອິດສະລະແອນຄືນໃໝ່.
ວັນທີ18ຕຸລານີ້,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ,ທ່ານລິວເວີຍມີນ,ໂຄສົກກະຊວງການຕ່າງປະເທດຈີນກ່າວວ່າ,ປະຈຸບັນນີ້ຂະບວນສັນຕິພາບຕາເວັນອອກກາງພວມຢູ່ໃນໄລຍະຂໍກະແຈ,ຈີນສະໜັບສະໜູນຄວາມພະຍາຍາມຂອງໂລກທີ່ຜົນດີຕໍ່ການຊຸກຍູ້ປາເລັດສະຕິນແລະອິດສະລະແອນຈັດການເຈລະຈາໂດຍສັນຕິຄືນໃໝ່ໂດຍໄວ.
ນອກນີ້,ວັນທີ18ຕຸລານີ້,ຂະບວນການອິສລາມຕໍ່ຕ້ານຂອງປາເລັດສະຕິນ ຫຼືຮາມາສ ມອບນັກ ຮົບອິດສະລະແອນຜູ່ໜຶ່ງໃຫ້ແກ່ອົງການຂ່າວກອງແອຢິບ,ໝາຍຄວາມວ່າສັນຍາແລກປ່ຽນສະ ເລີຍເສິກລະຫວ່າງປາເລັດສະຕິນກັບອິດສະລະແອນໄດ້ເລີ່ມປະຕິບັດ.ກ່ຽວກັບເລື່ອງນີ້,ທ່ານລິວເວີຍມິນກ່າວວ່າ,ຝ່າຍຈີນສະແດງຄວາມຊົມເຊີຍຕໍ່ຄວາມຄືບໜ້າໃໝ່ນີ້,ເຫັນວ່າ,ນີ້ມີຜົນດີຕໍ່ການຜ່ອນຄາຍສະຖານະການປາເລັດສະຕິນອິດສະລະແອນ,ແລະສະແດງຄວາມເຫັນດີເຫັນພ້ອມຕໍ່ຝ່າຍຕ່າງໆ ຄື ແອຢິບທີ່ໄດ້ທຳຄວາມພະຍາຍາມແລະໄກ່ເກ່ຍເພື່ອເລື່ອງນີ້.
