ໂຄງການຝຶກອົບຮົມເຈົ້າໜ້າທີ່ການທູດອາຊຽນບວກ3ຄັ້ງທີສອງສຳເລັດການຮຽນແລ້ວ
(GMT+08:00) 2011-10-19 16:52:08 cri
ໂຄງການຝຶກອົບຮົມເຈົ້າໜ້າທີ່ການທູດເພື່ອເຂົ້າໃຈຈີນຂອງອາຊຽນບວກ3ຄັ້ງທີ2ໄດ້ສິ້ນສຸດການຮຽນຢູ່ນະຄອນຫຼວງປັກກິ່ງໃນວັນທີ18ຕຸລານີ້.ຜູ່ເຂົ້າຮ່ວມການຝຶກອົບຮົມທີ່ມາຈາກ8ປະເທດຂອງອາຊຽນກ່າວວ່າ,ປະສົບການໃນການຄົ້ນຄວ້າຮ່ຳຮຽນຢູ່ຈີນເຮັດໃຫ້ເຂົາເຈົ້າໄດ້ກ້າວເຂົ້າສູ່ຈີນທີ່ມີຄວາມເປັນຈິງກວ່າເກົ່າ,ເຂົາເຈົ້າຈະທຳຄວາມພະຍາຍາມເພື່ອຊຸກຍູ້ການຮ່ວມມືລະຫວ່າງປະເທດອາຊຽນກັບຈີນ.
ໂຄງການນີ້ແມ່ນຈັດຕັ້ງປະຕິບັດໂດຍກະຊວງສຶກສາທິການຈີນແລະສູນຄົ້ນຄວ້າການສອນພາສາຈີນຕໍ່ຕ່າງປະເທດຂອງມະຫາວິທະຍາໄລພາສາຕ່າງປະເທດປັກກິ່ງ.ໃນໄລຍະຝຶກອົບຮົມຢູ່ຈີນເປັນເວລາ1ເດືອນ,ຜູ່ເຂົ້າຮ່ວມການຝຶກອົບຮົມໄດ້ຮ່ຳຮຽນຫຼັກສູດຕ່າງໆເຊັ່ນການເມືອງເສດຖະກິດ,ການທະຫານ,ການຕ່າງປະເທດຍຸກປະຈຸບັນຂອງຈີນ,ໄດ້ປຶກສາຫາລືບັນຫາຈຸດສຸມຂອງຈີນແລະຍັງໄດ້ໄປທັດສະນະສຶກສາສຳຜັດຕົວຈິງທາງດ້ານວັດທະນະທຳຢູ່ແຫ່ງຕ່າງໆເຊັ່ນນະຄອນຊີ່ອ່ານ,ນະຄອນໂລ້ຢາງດັ່ງນີ້ເປັນຕົ້ນ.
