ປະລິມານການຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງງານລົມທີ່ເພີ່ມໃໝ່ແລະຍອດປະລິມານການຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງງານລົມຂອງຈີນລ້ວນແຕ່ເປັນທີໜຶ່ງໃນໂລກ
(GMT+08:00) 2011-10-19 16:57:21 cri
ທ່ານເຮີ້ເຕີຊິນ ຫົວໜ້າຄະນະກຳມະການພະລັງງານລົມຂອງສະມາຄົມພະລັງງານໝູນວຽນຈີນກ່າວໃນກອງປະຊຸມພະລັງງານລົມສາກົນປັກກິ່ງ2011ກໍ່ຄືງານວາງສະແດງພະລັງງານລົມສາກົນປັກກິ່ງ2011ທີ່ໄຂຂຶ້ນໃນວັນທີ19ຕຸລານີ້ຢູ່ປັກກິ່ງວ່າ,ປີ2010ຜ່ານມາ,ປະລິມານການຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງງານລົມຂອງຈີນໄດ້ເພີ່ມຂຶ້ນເກືອບ1ແສນ9ໝື່ນເມກາວັດ,ນັບລວມແລ້ວ,ຍອດປະລິມານມີເກືອບ4ແສນ5ໝື່ນເມກາວັດຊຶ່ງລ້ວນແລ້ວແຕ່ເປັນທີໜຶ່ງໃນໂລກ.
ນັບຕັ້ງແຕ່ກອງປະຊຸມພະລັງງານລົມສາກົນປັກກິ່ງກໍ່ຄືງານວາງສະແດງພະລັງງານລົມສາກົນປັກກິ່ງຄັ້ງປະຖົມມະລືກໄດ້ຈັດຂຶ້ນໃນປີ2008ເປັນຕົ້ນມາ,ກອງປະຊຸມນີ້ໄດ້ກາຍເປັນກອງປະຊຸມທີ່ໃຫຍ່ໂຕມະໂຫລານປະຈຳປີທີ່ໄດ້ຮັບຄວາມສົນໃຈຈາກວົງການພະລັງງານລົມຈາກທົ່ວໂລກ.ກອງປະຊຸມປີນີ້ຈະດຳເນີນເປັນເວລາ3ວັນ,ຜູ່ຊ່ຽວຊານ,ນັກວິຊານການແລະນັກທຸລະກິດທີ່ມາຈາກ20ກວ່າປະເທດແລະເຂດແຄວ້ນໃນໂລກໄດ້ເຂົ້າຮ່ວມ.
