ປິດກອງປະຊຸມຄົບຄະນະຂອງພັກກອມມູນິດຈີນຄັ້ງທີ 6 ຊຸດທີ 17
(GMT+08:00) 2011-10-19 12:26:19 cri
ກອງປະຊຸມຄົບຄະນະຂອງພັກກອມມູນິດຈີນຄັ້ງທີ 6 ຊຸດທີ 17 ໄດ້ດຳເນີນໄປແຕ່ວັນທີ 15 ຫາວັນທີ 18 ຕຸລານີ້ທີ່ນະຄອນຫລວງປັກກິ່ງ. ກອງປະຊຸມເທື່ອນີ້ແມ່ນ ກົມການເມືອງສູນກາງພັກກອມມູນິດຈີນເປັນຜູ່ຈັດຂຶ້ນ.ທ່ານຫູຈີນທາວ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ໄດ້ກ່າວຄຳປາໄສທີ່ສຳຄັນ. ກອງປະຊຸມຄົບຄະນະໄດ້ພິຈາລະນາແລະຜ່ານຮັບຮອງ "ມະຕິກ່ຽວກັບການໄຂກອງປະຊຸມຜູ່ແທນປະທົ່ວປະເທດຈີນຄັ້ງທີ 18 ຂອງພັກກອມມູນິດຈີນ", ຕົກລົງຈະໄຂກອງປະຊຸມຄັ້ງທີ 18 ຂອງພັກຢູ່ນະຄອນຫລວງປັກກິ່ງໃນ 6 ເດືອນທ້າຍປີ 2012.ກອງປະຊຸມຍັງໄດ້ຜ່ານຮັບຮອງ"ຂໍ້ຕົກລົງກ່ຽວກັບບາງບັນຫາທີ່ສຳຄັນຂອງສູນກາງພັກກອມມູນິດຈີນໃນການລົງເລິກປະຕິຮູບໂຄງປະກອບວັດທະນະທຳ, ຊຸກຍູ້ວັດທະນະທຳສັງຄົມນິຍົມໃຫ້ພັດທະນາຢ່າງໃຫຍ່ຫລວງແລະຈະເລີນຮຸ່ງເຮືອງກວ່າເກົ່າ".
