ໝາກໄມ້ຂອງບັນດາປະເທດອາຊຽນໄດ້ຮັບຄວາມຊົມຊອບຈາກຄົນຈີນ
(GMT+08:00) 2011-10-19 16:32:09 cri
ຕາມຂ່າວສານຊີນຮວາ: ໃນຫຼາຍປີມານີ້, ໝາກໄມ້ຊະນິດຕ່າງໆຂອງບັນດາປະເທດອາຊຽນໄດ້ຮັບຄວາມຊົມຊອບຈາກຄົນຈີນນັບມື້ນັບຫຼາຍຂຶ້ນ.
ຫວ່າງມໍ່ໆມານີ້,ນັກຂ່າວໄດ້ເລາະຕະຫຼາດຂາຍຍົກຜັກແລະໝາກໄມ້ແຫ່ງໜຶ່ງຢູ່ນະຄອນນານນິງຂອງຈີນໄດ້ເຫັນວ່າ, ມີໝາກໄມ້ຊະນິດຕ່າງໆຈາກບັນດາປະເທດອາຊຽນໄດ້ວາງໄວ້ຢ່າງເປັນລະບຽບຢູ່ໃນຮ້ານຄ້າຫຼາຍແຫ່ງ. ຜູ້ຂາຍແນະນຳວ່າ,ລະດູນີ້ພໍດີແມ່ນຍາມໝາກຖົ່ວລຽນ,ໝາກມັງຄຸດ,ໝາກມັງກອນແລະໝາກໄມ້ຊະນິດອື່ນໆ,ໝາກໄມ້ເຫຼົ່ານີ້ຕົ້ນຕໍແມ່ນນຳເຂົ້າຈາກຫວຽດນາມ,ໄທແລະປະເທດອື່ນໆ,ປະຈຸບັນ,ໝາກໄມ້ເຫຼົ່ານີ້ແມ່ນຂາຍດີຫຼາຍ.
ຜູ້ຂາຍໝາກໄມ້ຜູ້ໜຶ່ງຢູ່ໃນຕະຫຼາດຂາຍຍົກໝາກໄມ້ອູຫີຼຖິງເວົ້າວ່າ: "ໝາກໄມ້ເຂດຮ້ອນຂອງບັນດາປະເທດອາຊຽນມີຫຼາຍຊະນິດ,ມີລົດຊາດທີ່ດີ,ຍ້ອນປະເທດອາຊຽນໃກ້ກັບຈີນ,ສະນັ້ນ,ໝາກໄມ້ຂອງບັນດາປະເທດອາຊຽນມີທ່າແຮງອັນພິເສດໃນຕະຫຼາດຈີນ."
ຄຽງຄູ່ກັບເຂດການຄ້າເສລີຈີນ-ອາຊຽນສ້າງຕັ້ງຂຶ້ນຢ່າງສຳເລັດຜົນ,ການສະໜອງໝາກໄມ້ຈາກບັນດາປະເທດອາຊຽນພຽງພໍ,ຄົນຈີນທຳມະດາກໍ່ສາມາດຊື້ໝາກໄມ້ຊະນິດຕ່າງໆໄດ້,ເຖິງວ່າໝາກໄມ້ທີ່ນຳເຂົ້າຈາກປະເທດອາຊຽນມີລາຄາແພງສົມຄວນ.
