ອາເມລິກາກ່າວວ່າເຂດອາຊີປາຊີຟິກມີຄວາມສຳຄັນທີ່ສຸດຫຼາຍຕໍ່ເສດຖະກິດ ອາເມລິກາ
(GMT+08:00) 2011-10-19 12:57:32 cri
ຕາມຂ່າວສານຊິນຮວາ: ວັນທີ18ຕຸລານີ້, ທ່ານຟຼານຊິສໂກ ຊານເຊສລັດຖະມົນຕີຊ່ວຍວ່າການກະຊວງການຄ້າອາເມລິກາທີ່ຮັບຜິດຊອບການຄ້າສາກົນກ່າວຢູ່ເຂດບໍລິຫານພິເສດຮົງກົງຈີນວ່າ, ໃນປີ2010ຜ່ານມານີ້ທ່ານບາຣັກ ໂອບາມາ,ປະທານາທິບໍດີອາເມລິກາໄດ້ສະເໜີອອກເປົ້າໝາຍທີ່ເຮັດໃຫ້ມູນຄ່າສິນຄ້າຂາອອກຂອງອາເມລິກາເພີ່ມຂຶ້ນ1ເທົ່າກ່ອນທ້າຍປີ2014, ຊຶ່ງເຂດອາຊີປາຊີຟິກມີຄວາມສຳຄັນທີ່ສຸດໃນການບັນລຸເປົ້າໝາຍນີ້ສຳລັບອາເມລິກາ.
ທ່ານຊານເຊົາກ່າວຕໍ່ສື່ມວນຊົນວ່າ: "ສັນຍາການພົວພັນຄູ່ຮ່ວມມືເສດຖະກິດຍຸດທະສາດເຂດປາຊິຟິກຫຼື TPPແມ່ນນະໂຍບາຍການຄ້າສະບັບໜຶ່ງທີ່ສຳຄັນທີ່ສຸດຂອງອາເມລິກາໃນປະຈຸບັນ, ອາເມລິກາກຳລັງປຶກສາຫາລືກັບອົສຕຼາລີ, ບຣູໄນ, ຈີເລ, ມະເລເຊຍ, ນູແວນເຊລັງ, ເປຣູ, ສິງກະໂປແລະຫວຽດນາມກ່ຽວກັບສັນຍານີ້.
ທ່ານຊານເຊສເຫັນວ່າ, ສັນຍາTPPບໍ່ຄວນກຳນົດໃນ9ປະເທດເທົ່ານັ້ນ, ຄວນດຶງດູດອົງກອນເສດຖະກິດໃນເຂດອາຊີປາຊີຟິກເຂົ້າຮ່ວມຫຼາຍກວ່າເກົ່າ.
