ທ່ານນາງຍິ່ງລັກ ຊິນນະວັດ,ນາຍົກລັດຖະມົນຕີໄທແລກປ່ຽນຄວາມເຫັນກັບຜູ່ຊ່ຽວຊານຈີນກ່ຽວກັບການຕ້ານໄພນ້ຳຖ້ວມຂອງນະຄອນຫຼວງບາງກອກ
(GMT+08:00) 2011-10-19 18:44:17 cri
ຕາມຂ່າວຈາກເວັບໄຊກະຊວງການຕ່າງປະເທດຈີນ:ວັນທີ18ຕຸລານີ້,ຢູ່ນະຄອນຫຼວງບາງກອກຂອງໄທ,ທ່ານນາງຍິ່ງລັກ ຊິນນະວັດ,ນາຍົກລັດຖະມົນຕີໄທໄດ້ໃຫ້ກຽດຕ້ອນຮັບ ໜ່ວຍງານຜູ່ຊ່ຽວຊານຕ້ານໄພນ້ຳຖ້ວມຂອງຈີນທີ່ນຳພາໂດຍທ່ານລິວນີງ,ລັດຖະມົນຕີຊ່ວຍວ່າ ການກະຊວງຊົນລະປະທານຈີນ,ແລະໄດ້ແລກປ່ຽນຄວາມເຫັນກັບຜູ່ຊ່ຽວຊານຈີນກ່ຽວກັບການຕ້ານໄພນ້ຳຖ້ວມຂອງບາງກອກ.ໜ່ວຍຜູ່ຊ່ຽວຊານຈີນໄດ້ຍື່ນ"ບົດລາຍງານໃຫ້ຄຳປຶກ ສາກ່ຽວກັບການຮັບມືກັບໄພນ້ຳຖ້ວມຂອງໄທໃນປະຈຸບັນນີ້ໂດຍດ່ວນ".
ໜ່ວຍງານຜູ່ຊ່ຽວຊານຈີນຍັງໄດ້ຮ່ວມປະຊຸມປຶກສາຫາລືກັບຜູ່ຊ່ຽວຊານຂອງໄທກ່ຽວກັບສະພາບໄພນ້ຳຖ້ວມໃນປະຈຸບັນແລະມາດຕະການຕ້ານໄພນ້ຳຖ້ວມ.
ຕາມຄວາມຮຽກຮ້ອງຂອງໄທ,ໜ່ວຍງານຜູ່ຊ່ຽວຊານຈີນເດີນທາງໄປຮອດບາງກອກຢ່າງຮີບດ່ວນໃນຕອນຄ່ຳວັນທີ14ຕຸລານີ້,ແລ້ວໄປສູນບັນເທົາແລະປ້ອງກັນສາທາລະນະໄພຂອງໄທພົບປະກັບຜູ່ຮັບ ຜິດຊອບຂອງສູນດັ່ງກ່າວ,ແລະຊອກຮູ້ສະພາບໄພນ້ຳຖ້ວມຈາກວິດີໂອ.ຫຼາຍມື້ມານີ້,ຜູ່ຊ່ຽວຊານຈີນນອກຈາກໄດ້ປຶກສາຫາລືກັບຜູ່ຊ່ຽວຊານໄທແລ້ວ,ຍັງລົງໄປເບິ່ງສິ່ງກໍ່ສ້າງຕ້ານໄພນ້ຳຖ້ວມຫຼາຍບ່ອນຢູ່ບາງກອກແລະບໍລິເວັນຈັງຫວັດໃກ້ຄຽງ.
