ຜົນປະໂຫຍດຂອງຈີນເປັນເອກະພາບກັບຜົນປະໂຫຍດຂອງປະຊາຄົມໂລກໃນລະດັບສູງ
(GMT+08:00) 2011-10-20 14:18:03 cri
ວັນທີ 19 ຕຸລານີ້, ທ່ານເຫີຢ້າເຝ່, ຜູ້ຕາງໜ້າຈີນປະຈຳສຳນັກງານທີ່ເຊີແນວກ່າວວ່າ, ປະຈຸບັນປະເທດຕ່າງໆໃນໂລກອາໄສກັນແລະມີຜົນປະໂຫຍດທີ່ເໝາະສົມກັນ, ໄດ້ກາຍເປັນປະຊາຄົມຜົນປະໂຫຍດທີ່ແຍກອອກບໍ່ໄດ້, ຜົນປະໂຫຍດຂອງຈີນເປັນເອກະພາບກັບຜົນປະໂຫຍດຂອງປະຊາຄົມໂລກໃນລະດັບສູງ.
ວັນທີ 19 ຕຸນານີ້ໃນເວລາບັນລະຍາຍຕໍ່ຊຸດອົບຮົມນະໂຍບາຍຄວາມປອດໄພສາກົນຊຸດທຳອິດ, ທ່ານເຫີຢ້າເຝ່ກ່າວເນັ້ນວ່າ, ພາຍໃຕ້ສະພາບການທີ່ໂລກາພິວັດລົງສູ່ລວງເລິກຢ່າງບໍ່ຢຸດຢັ້ງ, ເປົ້າໝາຍສັງລວມຂອງການພັດທະນາສັນຕິພາບຂອງຈີນແມ່ນເຮັດໃຫ້ປະເທດຈີນພັດທະນາແລະກົມກຽວກັນ, ເຮັດໃຫ້ປະເທດຫັນເປັນທັນສະໄໝແລະປະຊາຊົນຮັ່ງມີ; ຮັກສາສັນຕິພາບຂອງໂລກແລະຊຸກຍູ້ການພັດທະນາຮ່ວມກັນ. ຈີນຫວັງວ່າພັດທະນາຕົນເອງໂດຍຜ່ານການຮັກສາສັນຕິພາບແລະການພັດທະນາຂອງໂລກ, ແລະຊຸກຍູ້ໂລກສັນຕິພາບແລະພັດທະນາໂດຍຜ່ານການພັດທະນາຂອງຕົນ.
