ຈັດພິທີເປີດສະຖາບັນພຸດທະສາດຕິເບດຢູ່ນະຄອນລາຊາ
(GMT+08:00) 2011-10-20 16:01:32 cri
ສະຖາບັນພຸດທະສາດຕິເບດທີ່ຢູ່ເມືອງສີສຸ້ຍນະຄອນລາຊາເຂດປົກຄອງຕົນເອງຕິເບດຈີນໄດ້ຈັດພິທີສະຫຼອງຜົນສຳເລັດຂອງການສ້າງສະຖາບັນແລະເລີ່ມເປີດຮຽນຢ່າງໃຫຍ່ໂຕຄຶກຄື້ນໃນວັນທີ20ຕຸລານີ້.
ສະຖາບັນພຸດທະສາດຕິເບດແມ່ນສ້າງຕັ້ງຄືນໃໝ່ໂດຍໄດ້ຮັບອະນຸມັດຈາກກົມວຽກງານສາສະໜາແຫ່ງຊາດຈີນໃນປີ2009,ສະຖາບັນນີ້ຫ່າງຈາກເທດສະບານນະຄອນລາຊາ27ກິໂລແມັດ,ກວມເນື້ອທີ່ປະມານ17,5ເຮັກຕາ,ຊຶ່ງໄດ້ລົງທຶນໃນການກໍ່ສ້າງເກືອບ100ລ້ານຢວນ.ທ່ານຈູຄາງ ທູເທັນ ເຄຈຸບ ປະທານສະມາຄົມພຸດທະສາສະໜາຈີນສາຂາຕິເບດດຳລົງຕຳແໜ່ງເປັນຜູ່ອຳນວຍການສະຖາບັນ.ປະຈຸບັນ,ສະຖາບັນພຸດທະສາດຕິເບດມີພະອາຈານສອນຄຳພີ13ອົງຊຶ່ງລ້ວນແລ້ວແຕ່ແມ່ນພະເຖລະທີ່ມາຈາກວັດໃຫຍ່ຕ່າງໆຂອງເຂດປົກຄອງຕົນເອງຕິເບດ.ພະສົງທີ່ເຂົ້າຮຽນຊຸດທຳອິດມີ150ອົງ.
