ຈີນມີຫໍພິພິທະພັນ 3200ກວ່າແຫ່ງ
(GMT+08:00) 2011-10-20 16:40:48 cri
ວັນທີ19ຕຸລານີ້, ຢູ່ນະຄອນນານນິງເຂດກວາງຊີຂອງຈີນ,ທ່ານຊ້ານຈີ້ສຽງ, ຫົວໜ້າກົມວັດຖຸບູຮານແຫ່ງຊາດຈີນແຈ້ງໃຫ້ຮູ້ວ່າ, ມາຮອດປະຈຸບັນ, ຈີນໄດ້ສ້າງຫໍພິພິທະພັນປະເພດແລະລະດັບຕ່າງໆ 3200ກວ່າແຫ່ງຢ່າງສຳເລັດຜົນ.
ທ່ານຊ້ານຈີ້ສຽງກ່າວວ່າ, ຈີນໄດ້ເລີ່ມເປີດຫໍພິພິທະພັນຫຼວງບາງແຫ່ງໂດຍບໍ່ເສຍຄ່າໃນປີ2008,ປະຈຸບັນ,ຈຳນວນຫໍທີ່ໄດ້ເປີດໂດຍບໍ່ເສຍຄ່ານັ້ນໄດ້ມີເຖິງ 1800ກວ່າແຫ່ງແລ້ວ, ວັດຖຸທີ່ໄດ້ເອົາມາວາງສະແດງຢູ່ໃນຫໍກໍ່ມີປະມານ 9000ອັນໃນປີ2007ແລະເພີ່ມຂຶ້ນຮອດ 1ໝື່ນ4ພັນກວ່າອັນໃນປີ2010.
ທ່ານຊ້ານຈີ້ສຽງ ກ່າວວ່າ, ປະຈຸບັນ, ຈີນພວມດຳເນີນການປະຕິຮູບຫໍພິພິທະພັນໃຫ້ເພີ່ມຂຶ້ນທາງດ້ານຈຳນວນຄຸນນະພາບ. ຈີນຄວນຈັດມໍລະດົກວັດທະນະທຳຫຼາຍກວ່າເກົ່າເຂົ້າໃນບັນຊີລາຍຊື່ຂອງການອະນຸລັກວັດຖຸບູຮານຂອງຫໍພິພິທະພັນ.
