ຕາມຂ່າວຈາກໜັງສືພິມວຽງຈັນໃໝ່:ໂດຍຕອບສະໜອງຕາມຄຳເຊີນຂອງລັດຖະບານແຫ່ງສາທາລະນະລັດປະຊາຊົນຈີນ,ໃນຕອນເຊົ້າຂອງວັນທີ19ຕຸລາ2011,ທ່ານສົມສະຫວາດ ເລັ່ງສະຫວັດ,ຮອງນາຍົກລັດຖະມົນຕີແຫ່ງສາທາລະນະລັດປະຊາທິປະໄຕປະ ຊາຊົນລາວໄດ້ນຳພາຄະນະຜູ່ແທນຂັ້ນສູງຂອງສປປລາວເດີນທາງຈາກນະຄອນຫຼວງວຽງຈັນເພື່ອເຂົ້າຮ່ວມງານວາງສະແດງສິນຄ້າອາຊຽນ-ຈີນຄັ້ງທີ8ແລະກອງປະຊຸມສຸດຍອດການລົງທຶນອາຊຽນ-ຈີນຄັ້ງທີ8ທີ່ຈະຈັດຂຶ້ນໃນວັນທີ21ຫາວັນທີ26ຕຸລາ2011ທີ່ນະຄອນນານນີງແຂວງກວາງຊີຂອງຈີນ.
ນອກຈາກການເຂົ້າຮ່ວມຂອງຄະນະຜູ່ແທນທາງການຂອງສປປລາວດັ່ງກ່າວແລ້ວ,ບັນດານັກທຸລະກິດລາວຈາກ48ບໍລິສັດກໍໄດ້ເຂົ້າຮ່ວມຢ່າງເປັນຂະບວນຟົດຟື້ນຄືກັບທຸກໆປີຜ່ານມາ.ຜະລິດຕະພັນສ່ວນໃຫຍ່ທີ່ສປປລາວນຳໄປວາງສະແດງໃນປີນີ້ແມ່ນຜະລິດຕະພັນໄມ້,ອັນຍະມະນີ,ເຄື່ອງຫັດຖະກຳ,ອາຫານແລະເຄື່ອງດື່ມຊຶ່ງມີມູນຄ່າ6ແສນ6ໝື່ນ9830ໂດລາ ສະຫະລັດ,ທຽບໃສ່ປີຜ່ານມາແມ່ນເພີ່ມຂຶ້ນ4ແສນ2ໝື່ນ1163ໂດລາສະຫະລັດ.
