ຕາມຂ່າວສານຊິນຮວາ: ສຳນັກເລຂາງານວາງສະແດງສິນຄ້າຈີນ-ອາຊຽນແຈ້ງໃຫ້ຮູ້ວ່າ, ໃນຖານະທີ່ເປັນພາກສ່ວນສຳຄັນຂອງງານວາງສະແດງສິນຄ້າຈີນ-ອາຊຽນ, ລາຍຊື່"ເມືອງສະເໜ່ຂອງ"11ປະເທດໄດ້ຕົກລົງແລ້ວ, ປັດຈຸບັນ, ເມືອງສະເໜ່ຕ່າງໆກໍ່ກຳລັງຂຸ້ນຂ້ຽວເອົາໃຈໃສ່ໃນການຕົບແຕ່ງໃຫ້ສຳເລັບໂດຍໄວ.
ເມືອງສະເໜ່"ຂອງງານວາງສະແດງສິນຄ້າຈີນ-ອາຊຽນຄັ້ງທີ 8 ລວມມີ:ແຂວງໄຫຫຼຳຂອງຈີນ, ບານດາເຊຣີເບກາວັນຂອງບຼູໄນ, ແຂວງຣັດຕະນະຄີຣີຂອງກຳປູເຈຍ, ແຂວງປາປົວຕາເວັນຕົກຂອງອິນໂດເນເຊຍ, ແຂວງຈຳປາສັກຂອງລາວ, ລັດເນເກຣີຂອງມະເລເຊຍ, ນະຄອນເນບີດໍຂອງມຽນມາ, ເມືອງທ່າປຣິນເຊັດເຊລາຂອງຟິລິບປິນ, ເມືອງສິງກະໂປຂອງສິງກະໂປ, ຈັງຫວັດຂອນແກ່ນຂອງໄທ ແລະ ເມືອງໂຮຍອານຂອງຫວຽດນາມ.
ໃນຖານະທີ່ເປັນປະເທດຫົວຂໍ້ຂອງງານວາງສະແດງສິນຄ້າເທື່ອນີ້, ລັດຖະບານມະເລເຊຍຈະສ້າງເຂດວາງສະແດງ"ເມືອງສະເໜ່"ແຫ່ງໜຶ່ງທີ່ມີທ່າແຮງບົ່ມຊ້ອນທາງດ້ານເສດຖະກິດອັນໃຫຍ່ຫຼວງ ແລະ ບັນຍາກາດວັດທະນະທຳອັນເຂັ້ມຂຸ້ນຂອງປະເທດຕົນເພື່ອສະແດງສີສັນພິເສດທາງດ້ານການທ່ອງທ່ຽວຂອງເນເກຣີ.
