ການຮ່ວມມືດ້ານອະນຸລັກສິ່ງແວດລ້ອມກາຍເປັນຫົວຂໍ້ສຳຄັນຂອງງານວາງສະແດງສິນຄ້າຈີນອາຊຽນຄັ້ງທີ 8
(GMT+08:00) 2011-10-21 10:37:50 cri
ຕາມຂ່າວCRI: ວັນທີ 20 ຕຸລານີ້, ຄະນະກຳມະການຈັດງານວາງສະແດງສິນຄ້າຈີນອາຊຽນຄັ້ງທີ 8 ແຈ້ງວ່າ, ຫົວຂໍ້ສຳຄັນຂອງງານວາງສະແດງສິນຄ້າເທື່ອນີ້ແມ່ນການຮ່ວມມືດ້ານອະນຸລັກສິ່ງແວດລ້ອມລະຫວ່າງຈີນກັບບັນດາປະເທດອາຊຽນ.
ທ່ານເຊີນໂກ່ວໄຂ, ຮອງຫົວໜ້າຫ້ອງການກະຊວງການຄ້າຈີນແຈ້ງວ່າ, ຫົວຂໍ້ສຳຄັນຂອງງານວາງສະແດງສິນຄ້າຈີນອາຊຽນຄັ້ງທີ 8 ແມ່ນການອະນຸລັກສິ່ງແວດລ້ອມ, ຈະຈັດເວທີປຶກສາຫາລືການຮ່ວມມືດ້ານອະນຸລັກສິ່ງແວດລ້ອມຈີນ-ອາຊຽນ. ພ້ອມກັນນັ້ນງານວາງສະແດງສິນຄ້າຍັງຈະຈັດເວທີປຶກສາຫາລືລະດັບສູງແລະກອງປະຊຸມສາກົນກ່ຽວກັບຂົງເຂດອະນຸລັກສິ່ງແວດລ້ອມ, ກວດກາຄຸນນະພາບຂອງສິນຄ້າ, ການເງິນ, ເຕັກນິກວິທະຍາສາດ, ຄວາມປອດໄພຂອງຢາປົວພະຍາດ, ປ່າໄມ້, ກິລາມວນຊົນ, ຂະແໜງການວັດທະນະທຳ, ການພິມຈຳໜ່າຍ, ປະຊາກອນແລະການພັດທະນາ, ສ້າງກົນໄກຮ່ວມມືລະຫວ່າງຈີນກັບບັນດາປະເທດອາຊຽນໃນຂົງເຂດຕ່າງໆ, ຊຸກຍູ້ການຮ່ວມມືໃນຂົງເຂດຕ່າງໆຕື່ມອີກ.
