ວັນທີ 20 ຕຸລານີ້, ອົງການທ່ອງທ່ຽວແຫ່ງຊາດຈີນຖະແຫຼງວ່າ ອີງຕາມສັນຍາຮ່ວມມືກັບອຳນາດການປົກຄອງເຂດຕິເບດ ຈີນຈະເລັ່ງລັດກໍ່ສ້າງເຂດຕິເບດໃຫ້ກາຍເປັນປາຍທາງແຫ່ງການທ່ອງທ່ຽວທີ່ສຳຄັນຂອງໂລກ.
ຕາມສັນຍາທີ່ໄດ້ເຊັນກັນ, ອົງການທ່ອງທ່ຽວແຫ່ງຊາດຈະເພີ່ມການຊ່ວຍເຫຼືອເຂດຕິເບດໃຫ້ຫຼາຍຂຶ້ນກວ່າເກົ່າ, ສະໜັບສະໜູນເຂດຕິເບດໃນການກໍ່ສ້າງໂຄງລ່າງການທ່ອງທ່ຽວ, ຊີ້ນຳແລະສະໜັບສະໜູນເຂດຕິເບດເປີດກວ້າງການເປີດປະຕູຕໍ່ພາຍນອກດ້ານການທ່ອງທ່ຽວ ແລະ ການໂຄສະນາໂສມໜ້າດ້ານການທ່ອງທ່ຽວຂອງຕິເບດ.
ທ່ານຊ້າວຊີເຫວີຍ, ຫົວໜ້າອົງການທ່ອງທ່ຽວແຫ່ງຊາດຈີນ ກ່າວວ່າ, ເຂດຕິເບດມີຊັບພະຍາກອນດ້ານການທ່ອງທ່ຽວຢ່າງອຸດົມສົມບູນແລະມີເອກະລັກພິເສດ, ຫຼາຍຢ່າງມີພຽງແຕ່ຢູ່ຕິເບດແຫ່ງດຽວທໍ່ນັ້ນ, ມີເງື່ອນໄຂອຳນວຍຄວາມສະດວກເພື່ອກໍ່ສ້າງໃຫ້ກາຍເປັນປາຍທາງແຫ່ງການທ່ອງທ່ຽວທີ່ສຳຄັນຂອງໂລກ.
ທ່ານປັດມາ ຕຣິນເລ, ປະທານເຂດປົກຄອງຕົນເອງຕິເບດຈີນ ກ່າວວ່າ, ເຂດຕິເບດສຸດທີ່ໃຫ້ຄວາມສຳຄັນຕໍ່ການພັດທະນາການທ່ອງທ່ຽວ, ຈະເພີ່ມງົບປະມານເຂົ້າໃນການພັດທະນາອຸດສາຫະກຳທ່ອງທ່ຽວໃນໄລຍະແຜນການພັດທະນາເສດຖະກິດສັງຄົມ 5 ປີຄັ້ງທີ 12, ຈະພັດທະນາອຸດສາຫະກຳທ່ອງທ່ຽວ ໂດຍຖືອຸດສາຫະກຳການທ່ອງທ່ຽວເປັນເສົາຄ້ຳຂອງເຂດຕິເບດ
