ວິສາຫະກິດຫຼາຍແຫ່ງຂອງຈີນເຊັນສັນຍາການລົງທຶນຢູ່ພາກຕາເວັນຕົກຂອງຈີນ ລວມມີ500ໂຄງການ
(GMT+08:00) 2011-10-21 16:09:20 cri
ວັນທີ20ຕຸລານີ້,ໃນ "ງານແນະນຳການລົງທຶນຢູ່ພາກຕາເວັນຕົກຂອງຈີນ"ທີ່ຈັດຂຶ້ນຢູ່ນະຄອນເສີງຕູ່ແຂວງເສສວນ ພາກຕາເວັນຕົກສຽງໃຕ້ຂອງຈີນ,ວິສາຫະກິດຫຼາຍແຫ່ງຂອງຈີນໄດ້ເຊັນສັນຍາການລົງທຶນຢູ່ພາກຕາເວັນຕົກຂອງຈີນ, ລວມມີ500ໂຄງການ,ມູນຄ່າການລົງທຶນຫຼາຍກວ່າ 390ຕື້ຢວນ. ໃນນັ້ນ, ໂຄງການດ້ານການບໍລິການກວມ1ສ່ວນ4ຂອງໂຄງການທັງໝົດ,ເປັນຈຸດສຸມໃໝ່ໃນການພັດທະນາພາກຕາເວັນຕົກແລະການລົງທຶນຮອບໃໝ່.
ມື້ດຽວກັນ, ຜູ້ຮັບຜິດຊອບຂອງຄະນະກຳມະການການພັດທະນາແລະປະຕິຮູບແຫ່ງລັດຈີນຊີ້ອອກວ່າ, ພາກຕາເວັນຕົກຂອງຈີນມີຊັບພະຍາກອນທີ່ອຸດົມສົມບູນ,ມີກຳລັງແຮງບົ່ມຊ້ອນອັນໃຫຍ່ຫຼວງໃນດ້ານຕະຫຼາດ,ຄຽງຄູ່ກັບການພັດທະນາພາກຕາເວັນຕົກຮອບໃໝ່ໄດ້ເຂົ້າສູ່ລວງເລິກຢ່າງບໍ່ຢຸດຢັ້ງ,ເສດຖະກິດສັງຄົມຢູ່ພາກຕາເວັນຕົກຂອງຈີນຍ່ອມຈະບັນລຸການພັດທະນາຢ່າງວ່ອງໄວ.
