ຕາມຂ່າວສານຈີນ: ວັນທີ 20 ຕຸລານີ້, ເວທີປຶກສາຫາລືເງິນທຶນເອກະຊົນຈີນ-ອາຊຽນໄດ້ຈັດຂຶ້ນຢູ່ນະຄອນນານນີງ ເຂດກວາງຊີຈີນ, ນັກທຸລະກິດ ແລະ ນັກປາດວົງການການເງິນແຫ່ງຕ່າງໆຂອງຈີນ ພ້ອມກັນຫາລືກົນໄກຮ່ວມມືລະຫວ່າງເງິນທຶນເອກະຊົນຈີນກັບອາຊຽນ.
ທ່ານລີວເຈີ້ຊີ່ນ ປະທານຄະນະກຳມະການບໍລິສັດຊາກິ່ນຮວ່າກຸ້ຍເຢີນຖາງເຂດກວາງຊີກ່າວວ່າ, ທ່ານຕິດຕໍ່ພົວພັນກັບບໍລິສັດລົງທຶນແຫ່ງຕ່າງໆຂອງຈີນເລື້ອຍໆ, ຮູ້ສຶກວ່າຂະໜາດເງິນທຶນເອກະຊົນຂອງຈີນນັບມື້ນັບໃຫຍ່ຂຶ້ນ,ເງິນທຶນເຫຼົ່ານີ້ມີຄວາມມຸ່ງຫວັງແຮງກ້າຢາກເຂົ້າສູ່ປະເທດອາຊຽນ. ອີງຕາມສະພາບການໃນປັດຈຸບັນ, ບໍ່ວ່າວິສາຫະກິດຈີນ ຫຼື ອາຊຽນ, ທະແນມແຕ່ມີໂຄງການດີ ເຂົາເຈົ້າກໍ່ຍິນດີລົງທຶນ.
ທ່ານນາງອູອ້າຍຮົງ ຮອງຫົວໜ້າສະຖາບັນການຄ້າຮຸ້ຍເຟິ່ງມະຫາວິທະຍາໄລປັກກິ່ງກໍ່ກ່າວວ່າ, ປັດຈຸບັນ, ເງິນທຶນເອກະຊົນພາຍໃນປະເທດຈີນພັດທະນາຫຼາຍທີ່ສຸດ, ແຕ່ສ່ວນຫຼາຍບໍ່ຮູ້ທິດການລົງທຶນ, ການພັດທະນາຂອງອາຊຽນຕ້ອງການເງິນທຶນຈຳນວນຫຼວງຫຼາຍ, ແຕ່ເງິນທຶນເອກະຊົນຂອງຈີນມີທ່າແຮງໃນດ້ານນີ້.
