ຄະນະຜູ່ແທນແລກປ່ຽນວັດທະນະທຳຕິເບດຈີນຢ້ຽມຢາມນີວຢອກ
(GMT+08:00) 2011-10-22 13:33:57 cri
ວັນທີ21ຕຸລານີ້,ຄະນະຜູ່ແທນແລກປ່ຽນວັດທະນະທຳຕິເບດຈີນເລີ່ມຢ້ຽມຢາມຢູ່ນີວຢອກຂອງເມລິກາໂດຍແນະນຳໃຫ້ບຸກຄົນວົງການຕ່າງໆຂອງນີວຢອກຮູ້ ສະພາບການຄືບໜ້າຫຼ້າສຸດຂອງການພັດທະນາເສດຖະກິດແລະສັງຄົມຂອງຕິເບດ,ເພີ່ອໃຫ້ປະຊາຊົນອາເມລິກາຮູ້ຈັກສະພາບຕົວຈິງຂອງຕິເບດຫຼາຍຂຶ້ນ.
ທ່ານປີ້ຮວາ ຫົວໜ້າຄະນະຜູ່ແທນ, ບັນນາທິການໃຫຍ່ຂອງສຳນັກພິມຈຳໜ່າຍຕິເບດສຶກສາຂອງຈີນກ່າວວ່າ,ການຢ້ຽມຢາມເທື່ອນີ້ຈະແນະນຳສະພາບປະຈຸບັນຂອງຕິເບດຈາກດ້ານຕ່າງໆ,ແລະແລກປ່ຽນຄຳຄິດຄຳເຫັນກັບບຸກຄົນວົງການຕ່າງໆຂອງນີວຢອກກ່ຽວກັບຫົວຂໍ້ຕ່າງໆເຊັ່ນນະໂຍບາຍເຂດປົກຄອງຕົນເອງຂອງຊົນເຜົ່າຈີນ,ສາສະໜາ,ການສຶກສາ,ການອະນຸລັກພາສາແລະວັດທະນະທຳຂອງຕິເບດແລະອື່ນໆ,ຫວັງຢາກຖືໂອກາດແລກປ່ຽນໃນຄັ້ງນີ້ກະຕຸ້ນຄວາມສົນໃຈຂອງບຸກຄົນທີ່ກ່ຽວຂ້ອງຂອງອາເມລິກາໃນການຄົ້ນຄວ້າບັນຫາຕິເບດ,ຊອກຮູ້ສະພາບຄວາມເປັນຈິງຫຼາຍກວ່າເກົ່າຂອງຕິເບດ.
ກ່ອນໜ້ານີ້,ຄະນະຜູ່ແທນຈີນໄດ້ໄປຢ້ຽມຢາມນະຄອນຫຼວງວໍຊິງຕັນຂອງອາເມລິກາແລ້ວ,ຫຼັງຈາກນັ້ນ,ຄະນະຜູ່ແທນຍັງຈະໄປຢ້ຽມຢາມນະຄອນແດນເວີ,ແລ້ວເດີນທາງໄປຢ້ຽມຢາມການາດາ.
