ວັນທີ 21 ຕຸລານີ້, ຢູ່ທີ່ປັກກິ່ງ, ທ່ານຮຸຍລຽງອີ້ ຮອງນາຍົກລັດຖະມົນຕີຈີນກ່າວວ່າ, ປະຊາກອນຜູ່ເຖົ້າຜູ່ແກ່ເພິ່ມຂຶ້ນແມ່ນບັນຫາສຳຄັນທີ່ຈີນຕ້ອງຕັ້ງໃຈຮັບມື້ແກ້ໄຂໃນການພັດທະນາເສດຖະກິດສັງຄົມ, ຈີນຈະເລັ່ງລັດກໍ່ສ້າງ ແລະ ປັບປຸງລະບົບປະກັນໄພຜູ່ເຖົ້າຜູ່ແກ່ໃຫ້ສົບບູນຂຶ້ນ.
ທ່ານຮຸຍລຽງອີ້ແມ່ນໃຫ້ທັດສະນະດັ່ງກ່າວໃນກອງປະຊຸມວຽກງານຜູ່ເຖົ້າຜູ່ແກ່ຄັ້ງທີ 3 ທີ່ຈັດຂຶ້ນໃນມື້ດຽວກັນ. ທ່ານກ່າວວ່າ, ຈີນໄດ້ກາຍເປັນປະເທດທີ່ມີປະຊາກອນຜູ່ເຖົ້າຫຼາຍກວ່າໝູ່ໃນໂລກ ແລະ ອາຍຸກໍ່ສູງຂຶ້ນໄວທີ່ສຸດ.
ທ່ານຮຸຍລຽງອີ້ຮຽກຮ້ອງໃຫ້ອົງການປົກຄອງຂັ້ນຕ່າງໆຂອງຈີນເພິ່ມທະວີງົບປະມານສາທາລະນະ, ຖືເອົາການພັດທະນາຜູ່ເຖົ້າຜູ່ແກ່ເປັນຂົງເຂດຈຸດໜັກຂອງວຽກງານບໍລິການສາທາລະນະພື້ນຖານ ແລະ ໂຄງການສຳຄັນກ່ຽວກັບຊີວິດການເປັນຢູ່ຂອງປະຊາຊົນ. ທ່ານກ່າວເນັ້ນວ່າ, ຈີນຕ້ອງປັບປຸງລະບົບປະກັນໄພທາງສັງຄົມກອບກູ້ຊ່ວຍເຫຼືອສັງຄົມ ແລະ ສະຫວັດດີການສັງຄົມເປັນພື້ນຖານ, ຖືການລ້ຽງດູຜູ່ເຖົ້າ, ການປິ່ນປົວພື້ນຖານ, ການຈັດເຮືອນໃຫ້ຢູ່ ແລະ ການຄ້ຳປະກັນຊີວິດການເປັນຢູ່ພື້ນຖານເປັນຈຸດໜັກ, ຖືກິດຈະກຳກຸສົນ ແລະ ການປະກັນໄພລ້ຽງດູຜູ່ເຖົ້າແບບການຄ້າເປັນພາກສ່ວນເພິ່ມຕື່ມໃຫ້ສົມບູນຂຶ້ນ.
