ຄະນະຜູ່ແທນປ້ອງກັນຄວາມສະຫງົບຂອງຈີນເຈລະຈາກັບຜູ່ບັນຊາການຕຳຫລວດແຫ່ງຊາດໄທ
(GMT+08:00) 2011-10-24 15:26:48 cri
ຕອນເຊົ້າວັນທີ 24 ຕຸລານີ້,ຄະນະຜູ່ແທນຈີນນຳໂດຍ ທ່ານຈ່າງຊິ່ນເຟີງ, ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຂອງຈີນໄດ້ພົບປະເຈລະຈາກັບທ່ານພຽວພັນ ດາມາພົງ, ຜູ່ບັນຊາການຕຳຫລວດແຫ່ງຊາດໄທກ່ຽວກັບເຫດການທີ່ລູກເຮືອຈີນຖືກຫລອນໂຈມຕີຢູ່ຕາມລຳແມ່ນ້ຳຂອງ.
ທ່ານຈ່າງຊິ່ນເຟີງຊີ້ອອກວ່າ, ລັດຖະບານຈີນສຸດທີ່ເອົາໃຈໃສ່ນຳວຽກງານສືບສວນຄະດີທີ່ລູກເຮືອຈີນຖືກຫລອນໂມຕີຕາມລຳແມ່ນ້ຳຂອງໃນວັນທີ 5 ຕຸລານີ້, ຄະນະຜູ່ແທນປ້ອງກັນຄວາມສະງຫົບຂອງຈີນເດີນທາງໄປໄທກໍ່ແມ່ນເພື່ອຮ່ວມມືຢ່າງໃກ້ຊິດກັບຕຳຫລວດໄທໃນການສືບສວນ,ແລກປ່ຽນຄວາມເຫັນຢ່າງເລິກເຊິ່ງ, ຊຸກຍູ້ໃຫ້ວຽກງານສືບສວນເຫດການສຳເລັດໂດຍໄວ,ຊອກຮູ້ເລື່ອງຈິງ, ແລະລົງໂທດຜູ່ກະທຳຜິດຕາມກົດຫມາຍ.
ທ່ານພຽວພັນພາມາພົງກ່າວວ່າ, ຕຳຫລວດໄທເອົາໃຈໃສ່ໃນລະດັບສູງນຳເຫດການ 5 ຕຸລາ, ໄດ້ສົ່ງເຈົ້າຫນ້າທີ່ຂັ້ນສູງແລະວິຊາການໃນການສືບສວນຄະດີຈາກກົມຕຳຫລວດແຫ່ງຊາດເພື່ອຮັບຜິດຊອບວຽກງານສືບສວນ, ແລະຈະສືບຕໍ່ຮ່ວມມືຢ່າງໃກ້ຊິດກັບຕຳຫລວດຈີນ, ເລັ່ງລັດວຽກງານສືບສວນ,ເພື່ອຊອກຮູ້ເລື່ອງຈິງແລ້ວແຈ້ງໃຫ້ຝ່າຍຈີນຊາບໂດຍໄວ.
ສອງຝ່າຍໄດ້ແລກປ່ຽນຄວາມເຫັນກ່ຽວກັບການສືບສວນຢູ່ບ່ອນເກີດເຫດ,ກ່ຽວກັບຂໍ້ມູນຫລັກຖານຕ່າງໆ.ທ່ານກວນມູ້, ເອກອັກຄະລັດຖະທູດຈີນປະຈຳໄທກໍ່ໄດ້ເຂົ້າຮ່ວມການເຈລະຈາເທື່ອນີ້.
