ຈີນຮຽກຮ້ອງໃຫ້ສ.ເກົາຫຼີແກ້ໄຂບັນຫາເຮືອປະມົງຂອງຈີນຖືກກັກ ນັ້ນຢ່າງເໝາະສົມ
(GMT+08:00) 2011-10-24 17:08:14 cri
ຕາມຂ່າວລາຍງານວ່າ, ວັນທີ22ຕຸລານີ້,ຕຳຫຼວດທາງທະເລທີ່ປະກອບອາວຸດຄົບມືຂອງສ.ເກົາຫຼີໄດ້ກັກເຮືອປະມົງຂອງຈີນ3ລຳພ້ອມດ້ວຍລູກເຮືອ31ຄົນ.
ກ່ຽວກັບເລື່ອງນີ້, ວັນທີ24ຕຸລານີ້, ທ່ານນາງຈ່ຽງອີ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ,ສະຖານກົງສູນໃຫຍ່ຈີນປະຈຳເມືອງກວາງຈູຂອງສ.ເກົາຫຼີພວມແກ້ໄຂບັນຫາທີ່ກ່ຽວຂ້ອງຢ່າງສຸກເສີນ. ຈີນຮຽກຮ້ອງໃຫ້ສ.ເກົາຫຼີຫຼີກເວັ້ນການໃຊ້ຄວາມຮຸນແຮງໃນເວລາແກ້ໄຂເຫດການ,ປະຕິບັດຕາມກົດໝາຍຢ່າງເປັນທຳ,ແກ້ໄຂບັນຫາທີ່ເກີດຂຶ້ນຢ່າງເໝາະສົມ,ຮັບປະກັນສິດແລະຜົນປະໂຫຍດຂອງກຸ່ມຄົນທີ່ກ່ຽວຂ້ອງຂອງຈີນ.ຈີນຈະເອົາໃຈໃສ່ສະພາບການດຳເນີນງານຢ່າງແໜ້ນແຟ້ນ.
