ຕາມຂ່າວCRI: ແຕ່ວັນທີ 23 ຫາວັນທີ 26 ຕຸລານີ້, ງານວາງສະແດງກະສິກຳສະໄໝໃໝ່ຈີນ-ອາຊຽນຄັ້ງທີ 4 ຈັດຂຶ້ນຢູ່ເມືອງທຽນຢ໋າງເຂດປົກຄອງຕົ້ນເອງເຜົ່າຈ້ວງກວາງຊີຈີນ.
ຫົວຂໍ້ຂອງງານວາງສະແດງກະສິກຳແມ່ນ"ແລກປ່ຽນໂອກາດ,ຮ່ວມມືກັນໄດ້ຜົນປະໂຫຍດຮ່ວມກັນ". ຜູ່ແທນ ແລະ ວິສາຫະກິດ 37 ແຫ່ງທີ່ມາຈາກລາວ, ຫວຽດນາມ, ໄທ,ມຽນມາ,ຟິລິບປິນ,ມະເລເຊຍ,ສິງຫະໂປ,ອິນໂດເນເຊຍ,ກຳປູເຈຍ ແລະ ສ.ເກົາຫຼີໄດ້ເຂົ້າຮ່ວມງານວາງສະແດງ. ນອກນີ້, ວິສາຫະກິດແຜ່ນດິນໃຫຍ່ຈີນ 579 ແຫ່ງແລະວິສາຫະກິດໄຕ້ຫວັນຈີນ 20 ແຫ່ງກໍ່ໄດ້ເຂົ້າຮ່ວມງານວາງສະແດງເຊັ່ນດຽວກັນ. ຮ້ານວາງສະແດງ 636 ແຫ່ງຂອງງານວາງສະແດງເທື່ອນີ້ໄດ້ຖືກຈອງໝົດ.
ງານວາງສະແດງກະສິກຳເທື່ອນີ້ລວມທັງກິດກະກຳຕ່າງໆ,ເຊັ່ນ,ງານແນະນຳໂຄງການກະສິກຳສະໄໝໃໝ່, ເວທີປຶກສາຫາລືພັດທະນາກະສິກຳສະໄໝໃໝ່ຈີນ-ອາຊຽນ ແລະ ການທ່ອງທ່ຽວສີສັນພິເສດເຂດເຜົ່າຈ້ວງເປັນຕົ້ນ. ທີ່ເປັນຕາສົນໃຈແມ່ນ, ທ່ານບັນດິດຢວນລົງພີງ "ບິດາແຫ່ງເຂົ້າພັນປະສົມ"ຂອງຈີນຈະພາຄະນະຄົ້ນຄວ້າ ຫາລືເຖິງການນຳໃຊ້ເຕັກນິກໃນການປູກເຂົ້າຊຸບເປີພັນປະສົມດ້ວຍວິທີສອງລະບົບກັບຜູ່ຊ່ຽວຊານໃນການປູກເຂົ້າຕ່າງໆຂອງຈີນ ແລະ ຕ່າງປະເທດ, ແລະຈັດງານບັນລະຍາຍຫົວຂໍ້ພິເສດກ່ຽວກັບສະພາບຄົ້ນຄວ້າເຂົ້າຊຸບເປີພັນປະສົມດ້ວຍວິທີສອງລະບົບ.
