ວັນທີ 24 ຕຸລານີ້, ຄະນະປະຈຳສະພາປະຊາຊົນແຫ່ງຊາດຈີນ ເຊິ່ງເປັນອົງການນິຕິບັນຍັດຈີນ ໄດ້ຄົ້ນຄວ້າພິຈາລະນາຮ່າງກົດໝາຍວ່າດ້ວຍການດຳເນີນຄະດີແພ່ງສະບັບດັດແກ້ເປັນເທື່ອທຳອິດ, ເພື່ອຮັບປະກັນສິດຟ້ອງຮ້ອງຂອງຜູ່ກ່ຽວຕື່ມອີກ.
ນີ້ແມ່ນກົດໝາຍວ່າດ້ວຍການດຳເນີນຄະດີຈີນໄດ້ຮັບການປັບປຸງເປັນເທື່ອທຳອິດນັບແຕ່ຜ່ານການຮັບຮອງໃນປີ 1991. ໂດຍແນໃສ່ບັນຫາໃນພຶດຕິກຳຕົວຈິງ, ຮ່າງກົດໝາຍສະບັບດັດແກ້ນອກຈາກປັບປຸງລະບຽບການຟ້ອງຮ້ອງ ແລະ ຮັບເອົາ ພ້ອມທັງລະບຽບການກະກຽມກ່ອນພິຈາລະນາຄະດີໃນຄະນະສານໃຫ້ສົມບູນຂຶ້ນແລ້ວ,ຍັງເພິ່ມລະບົບຮ້ອງຟ້ອງສາທາລະນະປະໂຫຍດ. ຮ່າງກົດໝາຍກຳນົດວ່າ: ສຳລັບການກະທຳຕ່າງໆທີ່ທຳລາຍສາທາລະນະປະໂຫຍດໃນສັງຄົມ ເຊັ່ນ, ສ້າງມົນລະດິດຕໍ່ສິ່ງແວດລ້ອມ ແລະ ລ່ວງລະເມີດສິດ ແລະ ຜົນປະໂຫຍດອັນຊອບກົດໝາຍຂອງຜູ່ບໍລິໂພກຈຳນວນຫຼາຍເປັນຕົ້ນ, ອົງການສຳນັກງານ ແລະ ຄະນະສັງຄົມທີ່ກ່ຽວຂ້ອງສາມາດຮ້ອງຟ້ອງຕໍ່ສານປະຊາຊົນ.
