ທ່ານກິມເຈິງອິນ,ເລຂາທິການໃຫຍ່ພັກແຮງງານເກົາຫຼີຕ້ອນຮັບທ່ານຫຼີເຄີ້ຊຽງ
(GMT+08:00) 2011-10-25 13:01:52 cri
ວັນທີ24ຕຸລານີ້, ທ່ານກິມເຈິງອິນ,ເລຂາທິການໃຫຍ່ພັກແຮງງານເກົາຫຼີ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານຫຼີເຄີ້ຊຽງ,ກຳມະການປະຈຳກົມການເມືອງສູນກາງພັກຄອມມູນິດຈີນ,ຮອງນາຍົກລັດຖະມົນຕີຈີນທີ່ພວມຢ້ຽມ ຢາມຢູ່ສ.ປ.ປເກົາຫຼີ.
ໃນເວລາພົບປະ,ທ່ານຫຼີເຄິ້ງຊຽງກ່າວວ່າ,ນັບແຕ່ປີກາຍນີ້ເປັນຕົ້ນມາ, ທ່ານເລຂາທິການໃຫຍ່ຫູຈິນທາວກັບທ່ານເລຂາທິການໃຫຍ່ກິມເຈິງອິນໄດ້ ມີຄວາມເຫັນເປັນເອກະສັນກັນໃນດ້ານຕ່າງໆກ່ຽວກັບການລົງເລິກແລະພັດທະນາການພົວພັນລະຫວ່າງສອງປະເທດຕື່ມອີກ,ເພື່ອເປັນທິດຊີ້ນຳໃນການຂະຫຍາຍການພົວພັນຂອງສອງປະເທດ,ຈີນຍິນດີຮ່ວມກັນກັບສ.ປ.ປເກົາຫຼີ,ຈັດຕັ້ງປະຕິບັດຄວາມເຫັນທີ່ເປັນເອກະສັນກັນຢ່າງຈິງຈັງ,ເພີ່ມທະວີການແລກປ່ຽນແລະຮ່ວມມືກັນໃນຂົງເຂດຕ່າງໆ,ຊຸກຍູ້ໃຫ້ການພົວພັນລະ ຫວ່າງສອງປະເທດພັດທະນາກ້າວສູ່ລວງເລິກ. ທ່ານຫຼີເຄິ້ງຊຽງກ່າວວ່າ,ຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກ ສະນະສ້າງສັນເພື່ອປັບປຸງການພົວພັນລະຫວ່າງເຫນືອໃຕ້ໃຫ້ດີຂຶ້ນແລະປົກປັກຮັກສາສັນຕິພາບະແລະສະຖຽນລະພາບຂອງແຫຼມເກົາຫຼີ.
ທ່ານກິມເຈິງອິນກ່າວວ່າ,ສ.ປ.ປເກົາຫຼີຈະຮ່ວມກັນກັບຈີນເພີ່ມທະວີການໄປມາຫາສູ່ກັນດ້ວຍໄມຕີຈິດມິດຕະພາບແລະການຮ່ວມມືທີ່ມີການກະທຳຕົວຈິງຕື່ມອີກ,ເພື່ອເຮັດໃຫ້ການພົວພັນຂອງສອງປະເທດໄດ້ຮັບ ຜົນສຳເລັດຫຼາຍກວ່າເກົ່າ.
ທ່ນກິນເຈິງອິນກ່າວເນັ້ນວ່າ,ສ.ປ.ປເກົາຫຼີໄດ້ມີຈຸດຢືນໃນການຈັດການເຈລະຈາ 6ຝ່າຍຄືນໃຫມ່ໂດຍໄວ,ຝ່າຍຕ່າງໆຄວນອີງຕາມຫຼັກການທີ່ດຳເນີນງານພ້ອມໆກັນ,ຈັດຕັ້ງປະຕິບັດຖະແຫຼງການຮ່ວມ"ວັນທີ19 ກັນຍາ"ຢ່າງຮອບດ້ານ.ສອງຝ່າຍຍັງໄດ້ລົງເລິກແລກປ່ຽນຄວາມຄິດຄວາມເຫັນກ່ຽວກັບບັນຫາທີ່ສອງຝ່າຍສົນໃຈນຳກັນ.
