ຜູ່ນຳສປປເກົາຫຼີໄດ້ຕ້ອນຮັບທ່ານລີເຄີ້ສຽງ ຮອງນາຍົກລັດຖະມົນຕີຈີນ
(GMT+08:00) 2011-10-25 16:54:54 cri
ວັນທີ24ຕຸລານີ້,ທ່ານກິ່ມເຈີ່ງອິນ ເລຂາທິການໃຫຍ່ພັກແຮງງານເກົາຫຼີແລະທ່ານທ່ານກິ່ມຢົງນາມກຳມະການປະຈຳກົມການເມືອງສູນກາງພັກແຮງງານເກົາຫຼີ,ປະທານຄະນະປະຈຳສະພາປະຊາຊົນສູງສຸດແຫ່ງສປປເກົາຫຼີຕ່າງກໍ່ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານລີເຄິ້ສຽງ ກຳມະການປະຈຳກົມການເມືອງສູນກາງພັກກອມມູນິດຈີນ,ຮອງນາຍົກລັດຖະມົນຕີຈີນເນື່ອງໃນໂອກາດທີ່ທ່ານພວມຢ້ຽມຢາມສປປເກົາຫຼີ.
ໃນເວລາເຂົ້າຢ້ຽມຂ່ຳນັບທ່ານກິ່ມເຈີ່ງອິນ ທ່ານລີເຄີ້ສຽງກ່າວວ່າ,ໃນຊຸມປີມໍ່ໆມານີ້,ການພົວພັນລະຫວ່າງຈີນກັບສປປເກົາຫຼີໄດ້ຮັກສາທ່າອ່ຽງຂະຫຍາຍຕົວເປັນຢ່າງດີ,ຈີນຍິນດີຮ່ວມກັບສປປເກົາຫຼີເພີ່ມທະວີການແລກປ່ຽນແລະຮ່ວມມືກັນໃນຂົງເຂດຕ່າງໆ,ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປໜ້າຕື່ມອີກ,ເຮັດໃຫ້ມິດຕະພາບອັນເປັນມູນເຊື້ອລະຫວ່າງຈີນກັບສປປເກົາຫຼີສືບທອດກັນໄປທຸກເຊັ່ນຄົນແລະຂະຫຍາຍຕົວຢ່າງບໍ່ຢຸດຢັ້ງ.
ທ່ານກິ່ມເຈີ່ງອິນກ່າວວ່າ,ພາຍໃຕ້ສະຖານະການສາກົນປະຈຸບັນທີ່ປ່ຽນແປງຢ່າງສັບສົນແລະເລິກເຊິ່ງ,ສປປເກົາຫຼີຈະຮ່ວມກັບຈີນເພີ່ມທະວີການໄປມາຫາສູ່ກັນຢ່າງມີໄມຕີດຈິດມິດຕະພາບແລະຮ່ວມມືກັນໃນການປະຕິບັດຕົວຈິງຕື່ມອີກ,ເຮັດໃຫ້ການພົວພັນລະຫວ່າງສອງປະເທດແຕກດອກອອກຜົນຍິ່ງໆຂຶ້ນ.
ໃນເວລາພົບປະກັບທ່ານກິ່ມຢົງນາມ,ທ່ານລີເຄີ້ສຽງກ່າວວ່າ,ຈີນສະໜັບສະໜູນສປປເກົາຫຼີທຳຄວາມພະຍາຍາມຢ່າງຕັ້ງໜ້າເພື່ອປັບປຸງສະພາບແວດລ້ອມພາຍນອກໃຫ້ດີຂຶ້ນ,ສະໜັບສະໜູນການເຈລະຈາລະຫວ່າງສປປເກົາຫຼີກັບອາເມລິກາ,ປັບປຸງການພົວພັນລະຫວ່າງສອງເກົາຫຼີໃຫ້ດີຂຶ້ນ,ຈັດການເຈລະຈາຫົກຝ່າຍຄືນໃໝ່,ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີແລະອາຊີຕາເວັນອອກສຽງເໜືອ.
ທ່ານກິ່ມຢົງນາມກ່າວວ່າ,ພັກແລະລັດຖະບານສປປເກົາຫຼີເດັດດ່ຽວສຸມກຳລັງເຂົ້າໃນການປັບປຸງແລະເສີມຂະຫຍາຍມິດຕະພາບອັນເປັນມູນເຊື້ອລະຫວ່າງສປປເກົາຫຼີກັບຈີນ,ຍິນດີທຳຄວາມພະຍາຍາມຮ່ວມກັບຈີນໃນການຊຸກຍູ້ໃຫ້ການຮ່ວມມືລະຫວ່າງສອງປະເທດໃນຂົງເຂດການເມືອງ,ເສດຖະກິດແລະວັດທະນະທຳຂະຫຍາຍຕົວກ້າວສູ່ລວງເລິກຈາກດ້ານຍຸດທະສາດ.
