ວັນທີ 25 ຕຸລານີ້, ນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ບັນຫາກ່ຽວກັບສ.ເກົາຫຼີກັກເຮືອປະມົງຂອງຈີນ 3 ລຳພ້ອມລູກເຮືອໄດ້ຮັບການແກ້ໄຂຢ່າງເໝາະສົມແລ້ວ, ຫຼັງຈາກຈ່າຍຄ່າປັບໃໝແລ້ວ,ເຮືອປະມົງທັງ 3 ລຳ ແລະ ລູກເຮືອຂອງຈີນກໍ່ໄດ້ອອກຈາກສ.ເກົາຫຼີ, ກັບຄືນປະເທດຈີນ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ ຢູ່ກອງປະຊຸມຂ່າວທີ່ກະຊວງການຕ່າງປະເທດຈີນຈັດຂຶ້ນໃນມື້ດຽວກັນ, ນາງຈ່ຽງອີກ່າວວ່າ, ຈີນຫວັງໃຫ້ຊາວປະມົງຂອງຈີນມີຄວາມເຄົາລົບກົດໝາຍ, ຫາປາຕາມກົດໝາຍ, ພ້ອມກັນນັ້ນກໍ່ຫວັງໃຫ້ສ.ເກົາຫຼີຮັບປະກັນຄວາມປອດໄພດ້ານຮ່າງກາຍ ພ້ອມທັງ ສິດແລະຜົນປະໂຫຍດທີ່ຊອບກົດໝາຍຂອງຊາວປະມົງຈີນໃນເວລາປະຕິບັດກົດໝາຍ. ຈີນຫວັງໃຫ້ການຮ່ວມມືດ້ານການປະມົງລະຫວ່າງຈີນ ກັບ ສ.ເກົາຫຼີສາມາດພັດທະນາຢ່າງປອດໃສ.
