ໃນ5ປີຕໍ່ໜ້າຈີນຈະສ້າງຕັ້ງເຂດຮ່ວມມືເສດຖະກິດການຄ້າຢູ່ແຕ່ລະປະເທດອາຊຽນ
(GMT+08:00) 2011-10-26 14:55:25 cri
ຕາມຂ່າວສານຊິນຮວາ: ໃນງານວາງສະແດງສິນຄ້າຈີນອາຊຽນຄັ້ງທີ 8 ທັງເປັນກອງປະຊຸດສຸດຍອດການຄ້າແລະການລົງທຶນທີ່ພວມຈັດຂຶ້ນຢູ່ນະຄອນນານນິງເຂດກວາງຊີຂອງຈີນ, ເຈົ້າໜ້າທີ່ກະຊວງການຄ້າຈີນກ່າວວ່າ, ໃນ5ປີຕໍ່ໜ້າຈີນຈະສ້າງຕັ້ງເຂດຮ່ວມມືເສດຖະກິດການຄ້າຢູ່ແຕ່ລະປະເທດອາຊຽນ.
ໃນເວລາເຂົ້າຮ່ວມກອງປະຊຸມໂຕະມົນການລົງທຶນຈີນອາຊຽນ, ທ່ານກ່າວຫູ້ເສີງ, ລັດຖະ ມົນຕີຊ່ວຍວ່າການກະຊວງການຄ້າຈີນກ່າວວ່າ:"ການຮ່ວມມືດ້ານການລົງທຶນແມ່ນເນື້ອໃນສຳຄັນຂອງການຮ່ວມມືກໍ່ສ້າງເຂດການຄ້າເສລີຈີນ-ອາຊຽນ, ເຂດຮ່ວມມືເສດຖະກິດການຄ້າຢູ່ຕ່າງປະເທດສ້າງເວທີໃຫ້ແກ່ວິສາຫະກິດຈີນທີ່ລົງທຶນຢູ່ປະເທດອາຊຽນເພື່ອດຳເນີນການຜະລິດແບບຮ່ວມສູນ."
ເຂດຮ່ວມມືເສດຖະກິດການຄ້າຢູ່ຕ່າງປະເທດແມ່ນພາຍໃຕ້ການຊີ້ນຳຂອງລັດ, ວິສາຫະກິດຈີນສ້າງດ້ວຍຕົນເອງຫຼືເຂົ້າຮ່ວມການກໍ່ສ້າງເຂດປຸ່ງແຕ່ງ, ເຕັກນິກກະສິກຳແລະເຂດຮ່ວມມືເສດຖະກິດການຄ້າປະເພດຕ່າງໆທີ່ມີພື້ນຖານໂຄງລ່າງອັນຄົບຖ້ວນ, ມີຂະແໜງການຕ່າງໆທີ່ຄົບຖ້ວນ, ມີຄວາມເຊື່ອມັ້ນແລະຄວາມສາມາດໃນການນຳພາຢູ່ຕ່າງປະເທດ.
ປະຈຸບັນຈີນໄດ້ສ້າງເຂດຮ່ວມມືເສດຖະກິດການຄ້າ 5 ແຫ່ງຢູ່ 4 ປະເທດອາຊຽນ, ແມ່ນເຂດພິເສດເສດຖະກິດຊີຮານຸວົງຂອງກຳປູເຈຍ, ສວນອຸດສາຫະກຳໂລຢຸງຈີນໄທ, ສວນອຸດສາຫະກຳຫຼົງຈ່ຽງຫວຽດນາມ, ເຂດຮ່ວມມືເສດຖະກິດການຄ້າຈີນຫວຽດນາມ, ເຂດຮ່ວມມືເສດຖະກິດການຄ້າຈີນອິນໂດເນເຊຍ. ມາຮອດທ້າຍເດືອນສິງຫາປີນີ້, ຢູ່ເຂດຮ່ວມມືເສດຖະກິດການຄ້າດັ່ງກ່າວໄດ້ມີວິສາຫະກິດຈີນ 68 ແຫ່ງເຊັນສັນຍາເຂົ້າເຂດຮ່ວມມືເສດຖະກິດ, ໄດ້ລົງທຶນ 1 ຕື້ 50 ລ້ານໂດລາທາງສັນຍາ, ມູນຄ່າການລົງທຶນທັງໝົດ 419 ລ້ານໂດລາ.
