ວັນທີ25 ຕຸລານີ້,ທ່ານຈອນ ໂບເນີ,ປະທານສະພາຕ່ຳອາເມລິກາໄດ້ກ່າວຢ້ຳຫຼັກຫມັ້ນທີ່ຄັດຄ້ານລັດຖະສະພາອາເມລິກາໄດ້ຜ່ານຮັບຮອງຍັດ ຕິກົດຫມາຍກ່ຽວກັບອັດຕາແລກປ່ຽນເງິນຢວນຈີນ,ແລະກ່າວວ່າ ນີ້ຈະແມ່ນນະໂຍບາຍຢ່າງຫນຶ່ງທີ່ເປັນອັນຕະລາຍທີ່ສຸດ.
ໃນກອງປະຊຸມທີ່ຈັດຂຶ້ນໃນມື້ດຽວກັນ,ທ່ານຈອນ ໂບເນີກ່າວວ່າ,ກ່ຽວກັບບັນຫາອັດຕາແລກປ່ຽນເງິນຢວນຈີນ,ຄວນໃຫ້ທ່ານບາຣັກ ໂອບາມາ, ປະທານາທິບໍດີອາເມລິກາເສີມຂະຫຍາຍບົດບາດນຳພາ,ເພື່ອຕົກລົງຫຼັກຫມັ້ນຂອງອາເມລິກາໃນບັນຫາດັ່ງກ່າວ.
ໃນກອງປະຊຸມຟັງຄຳໃຫ້ການກ່ຽວກັບການພົວພັນທາງດ້ານເສດ ຖະກິດລະຫວ່າງອາເມລິກາກັບຈີນທີ່ຈັດຂຶ້ນໃນມື້ດຽວກັນ,ທ່ານເດວິດ ແຄມ, ປະທານຄະນະກຳມະການລະດົມທຶນຂອງສະພາຕ່ຳອາເມລິກາກໍ່ກ່າວວ່າ, ສະມາຊິກລັດຖະສະພາບາງຄົນໄດ້ເອົາໃຈໃສ່ນຳບັນຫາອັດຕາແລກປ່ຽນເງິນຢວນຈີນຫຼາຍເກີນໄປ,ທີ່ຈິງແລ້ວ,ການກະທຳດັ່ງກ່າວຈະເຮັດໃຫ້ອາເມລິກາບໍ່ເອົາໃຈໃສ່ນຳບັນຫາອື່ນໆຈຳນວນຫຼວງຫຼາຍທີ່ກ່ຽວພັນເຖິງການຄ້າກັບຈີນ.
ໃນກອງປະຊຸມຟັງຄຳໃຫ້ການ,ທ່ານລຽວ ໄປສນາດ,ລັດຖະມົນຕີຊ່ວຍວ່າ ການກະຊວງການເງິນອາເມລິກາຊີ້ອອກວ່າ, ອັດຕາແລກປ່ຽນເງິນຢວນຈີນແຂງຄ່າຂຶ້ນແມ່ນແກ້ໄຂບັນຫາເສຍປຽບດຸນການຄ້າຂອງອາເມລິກາບໍ່ໄດ້.
ມື້ດຽວກັນ,ໃນເວລາທ່ານເຮັນຣີ ພອນເຊີນ, ອະດີດລັດຖະມົນຕີວ່າ ການ ກະຊວງການເງິນອາເມລິກກ່າວປາຖະກະຖາຢູ່ມະຫາວິທະຍາໄລຈອນສ໌ ຮົບຄິນສ໌ວໍຊິງຕັນ,ທ່ານກໍ່ຊີ້ອອກວ່າ,ການແກ້ໄຂບັນຫາອັດຕາແລກປ່ຽນເງິນຢວນຈີນດ້ວຍວິທີການສ້າງກົດຫມາຍນັ້ນອາດຈະເຮັດໃຫ້ສອງປະເທດເກີດສົງຄາມການຄ້າ,ແລະຈະທຳລາຍຜົນປະໂຫຍດຂອງປະຊາຊົນອາເມລິກາ, ສະນັ້ນນີ້ບໍ່ແມ່ນການກະທຳທີ່ຖືກຕ້ອງ.
