ຄາດວ່າການສ້າງກ່ຳປັ່ນຜ່ານ້ຳກ້ອນລຳທຳອິດຂອງຈີນຈະສຳເລັດໃນທ້າຍປີ2013
(GMT+08:00) 2011-10-26 17:15:35 cri
ວັນທີ25ຕຸລານີ້, ທ່ານສີທ້ານເຈ້ວ, ຫົວໜ້າຫ້ອງການໂຄງການສຳຫຼວດຂົ້ວໂລກຂອງກົມທະເລແຫ່ງຊາດຈີນເຜີຍໃຫ້ຮູ້ວ່າ, ກ່ຳປັ່ນຜ່ານ້ຳກ້ອນເພື່ອຄົ້ນຄວ້າທາງວິທະຍາສາດລຳທຳອິດຂອງຈີນຄາດວ່າຈະສ້າງສຳເລັດໃນທ້າຍປີ2013,ຫຼັງຈາກເລີ່ມໃຊ້ກ່ຳປັ່ນລຳນີ້ແລ້ວຈະເຮັດໃຫ້ຈີນຍົກສູງຄວາມສາມາດແລະລະດັບໃນການສຳຫຼວດທາງວິທະຍາສາດຢູ່ຂົ້ວໂລກຢ່າງຫຼວງຫຼາຍ.
ມື້ດຽວກັນ, ທ່ານສີທ້ານເຈ້ວກ່າວໃນກອງປະຊຸມລາຍງານຫົວຂໍ້ສະເພາະກ່ຽວກັບການສຳຫຼວດທາງວິທະຍາສາດຂົ້ວໂລກທີ່ຈັດຂຶ້ນຢູ່ນະຄອນທຽນສິນຂອງຈີນວ່າ, ກ່ຳປັ່ນຜ່ານ້ຳກ້ອນທີ່ສ້າງໃໝ່ແມ່ນອອກແບບໂດຍການຮ່ວມມືກັບຕ່າງປະເທດ,ແລະຈະອອກແຮງສຸດຂີດເພື່ອສ້າງໃຫ້ສຳເລັດຜົນຢູ່ພາຍໃນປະເທດ.
ທ່ານສີທ້ານເຈ້ວແຈ້ງໃຫ້ຮູ້ວ່າ,ປະຈຸບັນ, ກ່ຳປັ່ນສຳຫຼວດທາງວິທະຍາສາດຂົ້ວໂລກຊື່"ສຸຍໂຫຼງ"ທີ່ຈີນພວມໃຊ້ແມ່ນຊື້ມາຈາກຕ່າງປະເທດ,ມີຄວາມສາມາດໃນຂອບເຂດຈຳກັດໃນການຜ່ານ້ຳກ້ອນ,ອຸປະກອນການສຳຫຼວດທາງວິທະຍາສາດຢູ່ໃນກ່ຳປັ່ນແລະຄວາມສາມາດດ້ານການຂົນສົ່ງອຸປະກອນກໍ່ບໍ່ພຽງພໍ,ແຕ່ກ່ຳປັ່ນຜ່ານ້ຳກ້ອນທີ່ຈີນສ້າງອອກມາໃໝ່ບໍ່ພຽງແຕ່ສາມາດຍົກສູງຄວາມສາມາດໃນການຜ່ານ້ຳກ້ອນສູ່ລະດັບໃໝ່ເທົ່ານັ້ນ,ຍັງຈະເພີ່ມທະວີຄວາມສາມາດໃນດ້ານອຸປະກອນການຂົນສົ່ງແລະການຮັບປະກັນ,ແລະສາມາດປະຕິບັດໜ້າທີ່ການສຳຫຼວດທາງວິທະຍາສາດມະຫາສະໝຸດໄດ້.
