ຈີນຕັກເຕືອນປະຊາຊົນຜູ້ທີ່ຈະໄປອິນໂດເນເຊຍ
(GMT+08:00) 2011-10-26 10:53:23 cri
ຕາມຂ່າວສານຊິນຮວາ, ຍ້ອນວ່າຢູ່ອິນໂດເນເຊຍມີຄົນຕິດເຊື້ອພະຍາດໄຂ້ຫວັດສັດປີກH5N1ປະເພດຮຸນແຮງແລ້ວເສຍຊີວິດ, ວັນທີ25ຕຸລານີ້, ທ່ານຫຼີຢວນຜິງ ໂຄສົກຖະແຫຼງຂ່າວກົມໃຫຍ່ກວດກາຄຸນນະພາບແຫ່ງລັດຈີນກ່າວວ່າ, ຈີນພວມໃຊ້ມາດຕະການ, ປ້ອງກັນບໍ່ໃຫ້ເຊື້ອພະຍາດດັ່ງກ່າວແຜ່ລາມເຂົ້າຈີນຢ່າງເດັດຂາດ, ແລະໄດ້ແຈ້ງເຕືອນໃຫ້ປະຊາຊົນຫຼືບຸກຄົນຕ່າງໆທີ່ຈະເດີນທາງໄປອິນໂດເນເຊຍ.
ໃນກອງປະຊຸມຂ່າວທີ່ກົມໃຫຍ່ກວດກາຄຸນນະພາບແຫ່ງລັດຈີນຈັດຂຶ້ນໃນມື້ດຽວກັນ, ທ່ານຫຼີຢວນຜິງກ່າວວ່າ, ອີງຕາມບົດລາຍງານສະບັບວັນທີ10ຕຸລາຂອງອົງການອະນາໄມໂລກ, ອິນໂດເນເຊຍມີຜູ້ໜຶ່ງທີ່ຖືກຢືນຢັນວ່າໄດ້ຕິດເຊື້ອພະຍາດໄຂ້ຫວັດສັດປີກH5N1ປະເພດຮຸນແຮງແລ້ວເສຍຊີວິດ. ກົມໃຫຍ່ກວດກາຄຸນນະພາບແຫ່ງລັດຈີນໄດ້ຮຽກຮ້ອງໃຫ້ອົງການຈັດຕັ້ງກວດກາຕ່າງໆທີ່ຂຶ້ນກັບຄວາມຮັບຜິດຊອບຂອງຕົນ ເພີ່ມທະວີການກວດກາສຸຂະພາບຂອງບຸກຄົນທີ່ມາຈາກອິນໂດເນເຊຍ, ການກວດກາທາງການແພດແລະອື່ນໆ.
