ຕາມຂ່າວCRI:ຕອນບ່າຍວັນທີ 26 ຕຸລານີ້, ທ່ານນາງປູຈຽນກົວ,ເອກອັກຄະລັດຖະທູດຈີນປະຈຳລາວໄດ້ມອບເຄື່ອງໃຊ້ຫ້ອງການລວມເປັນມູນຄ່າ 13.500 ໂດລາສະຫະລັດໃຫ້ມະຫາວິທະຍາໄລແຫ່ງຊາດລາວ.
ການມອບ-ຮັບຄງນແມນສະຖານທູດຈີນຕາງໜ້າຫ້ອງການສອນພາສາຈີນສຳລັບຄົນຕ່າງປະເທດແຫ່ງຊາດຈີນ ມອບໃຫພາກວິຊາພາສາຈີນ,ຄະນະອັກສອນສາດ, ມະຫາວິທະຍາໄລແຫ່ງຊາດ ໂດຍມີທານສ.ຈ ດ.ຣ ສຸກກົງແສງ ໄຊຍະເລີດ, ກຳມະການສູນກາງພັກ, ອະທິການບໍດີມະຫາວິທະຍາໄລແຫ່ງຊາດ ເປັນຜູຮັບ ຊຶ່ງເຄື່ອງຊ່ວຍເຫຼືອ ລວມມີຄອມພິວເຕີ ໂທລະພາບ ເຄື່ອງພິມ ກ້ອງຖ່າຍຮູບ ກ້ອງຖ່າຍວິດີໂອ ແລະປຶ້ມຕຳລາຮຽນພາສາຈີນອີກ 400 ຫົວ.
ໃນພິທີ,ທານສ.ຈ ດ.ຣ ສຸກກົງແສງ ໄຊຍະເລີດ, ກຳມະການສູນກາງພັກ, ອະທິການບໍດີມະຫາວິທະຍາໄລແຫ່ງຊາດສະແດງຄວາມຂອບອົກຂອບໃຈຕໍ່ການ ຊ່ວຍເຫຼືອຈາກລັດຖະບານຈີນຕະຫຼອດມາ. ທ່ານເວົ້າວ່າ,ປະຈຸບັນ ຄົນລາວ ໂດຍສະເພາະຊາວໜຸ່ມຮູ້ຄວາມສຳຄັນທີ່ຮຽນພາສາຈີນ,ເຂົ້າໃຈບົດບາດການຮຽນພາສາຈີນໃນການເພີ່ມທະວີສາຍພົວພັນມິດຕະພາບອັນເປັນມູນເຊື້ອ ແລະການ ຮ່ວມມືດ້ານຕ່າງໆລະຫວ່າງສອງຊາດລາວຈີນ,ຈຳນວນຄົນຮຽນພາສາຈີນນັບມື້ ນັບເພີ່ມຂຶ້ນ. ການມອບເຄື່ອງຊ່ວຍເຫຼືອຄັ້ງນີ້ ເປັນການສະໜັບສະໜູນ ສົ່ງເສີມການຮຽນ-ການສອນພາສາຈີນ ແລະສງເສີມວັດທະນະທຳຂອງສອງປະເທດຈີນລາວໃນຂົງເຂດການສຶກສາ.ຫວັງວ່າ ມິດຕະພາບລາວຈີນໝັ້ນຄົງທະນົງແກ່ນ ຕະຫຼອດໄປ.
