ວັນທີ 25 ຕຸລານີ້, ທ່ານໂຈ່ວເຊີ່ງຊຽນ ລັດຖະມົນຕີວ່າການກະຊວງອະນຸລັກສິ່ງແວດລ້ອມຈີນກ່າວວ່າ, ໃນ 5 ປີຜ່ານມານີ້, ຈີນສືບຕໍ່ອອກແຮງໃນການປົກປັກຮັກສາຊີວະພາບ ແລະ ອະນຸລັກສິ່ງແວດລ້ອມຊົນນະບົດ, ເຮັດໃຫ້ເນື້ອທີ່ປ້ອງກັນນ້ຳເຊາະດິນເຈື່ອນໂດຍລວມທົ່ວປະເທດຈີນມີ 2 ແສນ 3 ໝື່ນກິໂລຕາແມັດ, ປູກຕົ້ນໄມ້ໃຫ້ເປັນປ່າ 25 ລ້ານ 2 ແສນ 9 ໝື່ນເຮັກຕາ, ອັດຕາປົກຫຸ້ມປ່າໄມ້ສູງເຖິງ 20,36%.
ທ່ານໂຈ່ວເຊີ່ງຊຽນຍັງກ່າວວ່າ, ຈີນໄດ້ສ້າງເຂດສະຫງວນທຳມະຊາດປະເພດຕ່າງໆ 2588 ແຫ່ງ, ກວມ 14,9% ຂອງເນື້ອທີ່ປະເທດຈີນ, ແລະໄດ້ປະຕິບັດໂຄງການປັບປຸງຊີວະພາບທາງທະເລທີ່ໃກ້ຝັ່ງທະເລ. ການເງິນສູນກາງຈີນນຳໃຊ້ງົບປະມານ 4 ຕື້ຢວນເພື່ອອະນຸລັກສິ່ງແວດລ້ອມຊົນນະບົດ, ຊຸກຍູ້ທ້ອງຖິ່ນຕ່າງໆລົງທຶນ 8 ຕື້ກວ່າຢວນ,ມີ 24 ລ້ານຄົນທີ່ຢ່ເຂດູຊົນນະບົດໄດ້ຮັບຜົນປະໂຫຍດ.
