ຈີນເຜີຍແຜ່ປື້ມປົກຂາວແນະນຳລະບົບກົດຫມາຍສັງຄົມນິຍົມທີ່ມີສີສັນພິເສດຂອງຈີນ
(GMT+08:00) 2011-10-27 11:37:24 cri
ວັນທີ 27 ຕຸລານີ້, ຫ້ອງການຖະແຫລງຂ່າວລັດຖະບານຈີນໄດ້ເຜີຍແຜ່ປື້ມປົກຂາວຢູ່ນະຄອນຫລວງປັກກິ່ງ, ໄດ້ແນະນຳການຈໍ່ຕົວຂຶ້ນ, ສ່ວນປະກອບແລະຈຸດພິເສດຂອງລະບົບກົດຫມາຍສັງຄົມນິຍົມທີ່ມີສີສັນພິເສດຂອງຈີນຢ່າງຮອບດ້ານ.
ອີງຕາມປື້ມປົກຂາວເຫລັ້ມນີ້, ນັບມາຮອດທ້າຍເດືອນສິງຫາປີ 2011, ຈີນໄດ້ສ້າງແລະປະຕິບັດລັດຖະທຳມະນູນແລະກົດຫມາຍທັງຫມົດ 240 ສະບັບ,ກົດລະບຽບດ້ານການປົກຄອງ 706 ສະບັບ, ກົດລະບຽບການປົກຄອງທ້ອງຖີ່ນ 8600 ກວ່າສະບັບ, ໄດ້ສ້າງກົດຫມາຍທີ່ກ່ຽວພັນເຖິງການພົວພັນໃນສັງຄົມ, ເຮັດໃຫ້ລະບົບກົດຫມາຍສັງຄົມນິຍົມທີ່ມີສີສັນພິເສດຂອງຈີນໄດ້ຈໍ່ຕົວເປັນຮູບເປັນຮ່າງຂຶ້ນ.
ປື້ມປົກຂາວຊີ້ອອກວ່າ, ການສ້າງລະບົບກົດຫມາຍສັງຄົມນິຍົມທີ່ມີສີສັນພິເສດຂອງຈີນໄດ້ແກ້ໄຂບັນຫາທີ່ມີຄວາມອ້າງອີງໃສ່ດ້ານກົດຫມາຍໂດຍລວມ, ທັງໄດ້ວາງຄວາມຮຽກຮ້ອງຕ້ອງການທີ່ພົ້ນເດັ່ນແລະຮີບດ່ວນກວ່າເກົ່າໃນການແກ້ໄຂບັນຫາຕາມກົດຫມາຍ, ປະຕິບັດກົດຫມາຍຢ່າງເຄັ່ງຄັດແລະລົງໂທດກໍລະນີທີ່ກະທຳຜິດຕາມກົດຫມາຍ.ຈີນຈະຕັ້ງຫນ້າໃຊ້ມາດຕະການທີ່ມີຜົນ, ຮັບປະກັນໃຫ້ການປະຕິບັດລັດຖະທຳມະນູນແລະກົດຫມາຍຕ່າງໆດຳເນີນໄປຢ່າງມີຜົນສັກສິດ, ເລັ່ງລັດຊຸກຍູ້ການປົກຄອງປະເທດຕາມກົດມຫາຍ, ສ້າງສາປະເທດສັງຄົມນິຍົມທີ່ປົກຄອງດ້ວຍກົດຫມາຍ.
