ທ່ານຫູຈີນທ່າວໂທລະສັບແລກປ່ຽນຄວາມຄິດເຫັນກັບທ່ານຊາໂກຊີ
(GMT+08:00) 2011-10-28 14:52:12 cri
ຕາມຂ່າວສານຊິນຮວາ: ວັນທີ 27 ຕຸລານີ້, ທ່ານຫູຈີນທ່າວ, ປະທານປະເທດຈີນໄດ້ໂທລະສັບແລກປ່ຽນຄວາມຄິດຄວາມເຫັນກັບທ່ານນິດໂຄລັສ ຊາໂກຊີ, ປະທານາທິບໍດີຝລັ່ງ.
ທ່ານຊາໂກຊີໄດ້ແຈ້ງສະພາບການທີ່ກ່ຽວຂ້ອງຂອງກອງປະຊຸມສຸດຍອດສະຫະພາບເອີລົບທີ່ຫາກໍ່ສິ້ນສຸດລົງແລະມາດຕະການຂອງສະຫະພາບເອີລົບກ່ຽວກັບການຮັບມືກັບວິກິດການໜີ້ສິນ, ທ່ານກ່າວວ່າສະຫະພາບເອີລົບໃຫ້ຄຳໝັ້ນສັນຍາວ່າຈະກ້າວໄປສູ່ທິດທາງໃໝ່ທີ່ຕັ້ງໜ້າ.
ປະມຸກລັດສອງປະເທດໄດ້ແລກປ່ຽນຄວາມເຫັນກ່ຽວກັບກອງປະຊຸມສຸດຍອດກຸ່ມG20ທີ່ຈະຈັດຂຶ້ນຢູ່ການາໃນໄວໆນີ້. ທ່ານຫູຈີນທ່າວກ່າວເນັ້ນວ່າ, ກຸ່ມG20ໄດ້ກາຍເປັນເວທີທີ່ສຳຄັນໃນການປັບປຸງເສດຖະກິດໂລກ. ຈີນຫວັງວ່າກຸ່ມG20ຈະສືບຕໍ່ເສີມຂະຫຍາຍຄວາມສາມັກຄີເປັນຈິດໜຶ່ງໃຈດຽວກັນ, ຮ່ວມມືກັນໂດຍແລະຕ່າງຝ່າຍຕ່າງມີຜົນປະໂຫຍດ, ຜ່ານກອງປະຊຸມສຸດຍອດການາສົ່ງສັນຍານອັນດີທີ່"ຮັບປະກັນເສດຖະກິດຈະເລີ່ມເຕີບໂຕແລະຊຸກຍູ້ຄວາມໝັ້ນທ່ຽງ"ຕໍ່ປະຊາຄົມໂລກ, ສືບຕໍ່ຊຸກຍູ້ໃຫ້ເສດຖະກິດໂລກເຕີບໂຕຢ່າງແຂງແຮງ, ຕໍ່ເນື່ອງແລະດຸນດ່ຽງ, ສິ່ງທີ່ສຳຄັນທີ່ສຸດແມ່ນເສດຖະກິດເຕີບໂຕຢ່າງແຂງແຮງ. ຈີນຍິນດີຮ່ວມກັນກັບປະເທດສະມາຊິກຕ່າງໆ, ຊຸກຍູ້ຈັດກອງປະຊຸມເພື່ອເປັນກອງປະຊຸມທີ່ສາມັກຄີກັນ, ໃຫ້ໄດ້ຮັບຜົນສຳເລັດແລະຕ່າງຝ່າຍຕ່າງມີຜົນປະໂຫຍດ.
