ມີ4ລ້ານ3ແສນຄອບຄົວກວມ1ສ່ວນ5ຂອງຄອບຄົວທັງໝົດໃນຟິລິບປິນດຳລົງຊີວິດຢ່າງທຸກຍາກລຳບາກ
(GMT+08:00) 2011-10-28 14:50:14 cri
ວັນທີ27ຕຸລານີ້, ຜົນການສຳຫຼວດຫຼ້າສຸດຂອງສະຖານີອາກາດສັງຄົມທີ່ເປັນໜຶ່ງໃນ2ອົງການສຳຫຼວດປະຊາຊົນຂອງຟິລິບປິນສະແດງໃຫ້ເຫັນວ່າ, ຢູ່ຟິລິບປິນມີປະມານ4ລ້ານ3ແສນຄອບຄົວມີຄວາມອຶດຫິວໃນ3ເດືອນຜ່ານມາ, ເຊິ່ງຈຳນວນນີ້ຫຼາຍກວ່າ1ສ່ວນ5ຂອງຍອດຈຳນວນຄອບຄົວຢູ່ຟິລິບປິນ.
ກ່ຽວກັບຜົນການສຳຫຼວດດັ່ງກ່າວ, ທີ່ປຶກສາຂອງປະທານາທິບໍດີຟິລິບ ປິນກ່ຽວກັບແຜນການພັດທະນາແລະຍຸດທະສາດດ້ານການສື່ສານກ່າວວ່າ, ຈຳນວນຜູ້ອຶດຫິວເພີ່ມຂຶ້ນມີການພົວພັນກັບລາຄາສະບຽງອາຫານໂລກສູງຂຶ້ນ, ແລະມີຄວາມຫຍຸ້ງຍາກໃນການຂົນສົ່ງອາຫານຍ້ອນໄພທຳມະຊາດຫຼາຍເທື່ອໃນມໍ່ໆມານີ້. ລັດຖະບານຟິລິບປິນຫວັງວ່າຫຼັງຈາກສະພາບການຟື້ນຟູຄວາມເປັນປົກກະຕິແລ້ວ, ຈຳນວນຜູ້ອຶດຫິວຈະຫຼຸດໜ້ອຍລົງ.
