ສະພາຄວາມໝັ້ນຄົງຂອງສ.ປຊຕົກລົງຍົກເລີກເຂດຫ້າມບິນຢູ່ລີບີແລະຢຸດຕິການເຄື່ອນໄຫວທາງການທະຫານຂອງນາໂຕ
(GMT+08:00) 2011-10-28 17:16:30 cri
ວັນທີ27ຕຸລານີ້, ສະພາຄວາມໝັ້ນຄົງຂອງສະຫະປະຊາຊາດໄດ້ຮັບຮອງມະຕິຕົກລົງຢ່າງເປັນເອກະສັນກັນ,ຕົກລົງຈະຍົກເລີກເຂດຫ້າມບິນຢູ່ລີບີແຕ່ເວລາ23ໂມງ59ນາທີຂອງວັນທີ31ຕຸລານີ້ເປັນຕົ້ນໄປ,ແລະຢຸດຕິການເຄື່ອນໄຫວທາງການທະຫານຂອງນາໂຕຢູ່ລີບີ.
ມະຕິຕົກລົງສະບັບນີ້ແມ່ນຣັດເຊຍເປັນຜູ້ວາງອອກແລະໄດ້ຍື່ນໃຫ້ສະຫະປະຊາຊາດຮ່ວມກັບອັງກິດ. ມະຕິຕົກລົງໄດ້ຮຽກຮ້ອງຢ່າງຮຸນແຮງໃຫ້ອຳນາດການປົກຄອງຂອງລີບີໃຊ້ມາດຕະການທີ່ຈຳເປັນຕ່າງໆ,ປ້ອງກັນການແກ້ແຄ້ນ,ກັກຕົວໂດຍຕາມລຳພັງໃຈ,ການຕັດສິນລົງໂທດປະຫານຊີວິດທີ່ບໍ່ຊອບດ້ວຍກົດໝາຍ.
ມື້ດຽວກັນ,ທ່ານຣາສມູສເຊນ, ເລຂາທິການໃຫຍ່ນາໂຕກ່າວຢູ່ແບັກແລັງວ່າ,ສະພາມົນຕີນາໂຕຈະຈັດກອງປະຊຸມຢູ່ບຼຸກແຊນໃນວັນທີ28ຕຸລານີ້,ແລະຈະທຳການຕັດສິນຢ່າງເປັນທາງການກ່ຽວກັບການສິ້ນສຸດການເຄື່ອນໄຫວທາງການທະຫານຢູ່ລີບີ. ທ່ານຍັງກ່າວວ່າ,ຖ້າລັດຖະບານຊົ່ວຄາວແຫ່ງຊາດລີບີມີຄວາມຮຽກຮ້ອງຕ້ອງການ,ນາໂຕສາມາດຕອບສະໜອງການຊ່ວຍເຫຼືອໃຫ້ແກ່ການຂ້າມຜ່ານແບບປະຊາທິປະໄຕຂອງລີບີ.
