ໂດຍຕອບສະຫນອງຕາມຄຳເຊີນ,ທ່ານຫູຈິນທາວ,ປະທານປະເທດຈີນຈະເຂົ້າຮ່ວມກອງປະຊຸມສຸດຍອດຂອງກຸ່ມ G20 ທີ່ຈະຈັດຂຶ້ນຢູ່ເມືອງການາຂອງຝຣັ່ງໃນຕົ້ນເດືອນພະຈິກປີນີ້.
ວັນທີ28ຕຸລານີ້,ຢູ່ທີ່ນະຄອນຫຼວງປັກກິ່ງ,ທ່ານຊຸ່ຍຖຽນໄຄ,ລັດຖະມົນຕີຊ່ອຍວ່າການກະຊວງການຕ່າງປະເທດຈີນກ່າວວ່າ,ຈີນຫວັງໃຫ້ກອງປະຊຸມສຸດຍອດຄັ້ງນີ້ຈະສາມາດສືບຕໍ່ເສິມຂະຫຍາຍຈິດໃຈທີ່ຕ່າງຊ່ອຍເຫຼືອກັນຜ່ານຜ່າຄວາມຫຍຸ້ງຍາກແລະຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ,ເພື່ອຮັບມືກັບບັນຫາຕ່າງໆເຊັ່ນ:ວິກິດການຫນີ້ສິນພາກລັດຂອງປະເທດທີ່ພັດທະນາແລ້ວ,ລາຄາສິນຄ້າຈຳນວນຫຼວງຫຼາຍແພງຂຶ້ນ,ຄວາມກົດດັນຂອງໄພເງິນເຟີ້ໃນທົ່ວໂລກເພີ່ມຫຼາຍຂຶ້ນແລະອື່ນໆ,ສືບຕໍ່ຊຸກຍູ້ໃຫ້ດຳເນີນການປະຕິຮູບລະບົບການເງິນຂອງເງິນຕາສາກົນ,ຮັບປະກັນການເພີ່ມຂຶ້ນຢ່າງແຂງແຮງ, ແລະປັບປຸງຫມາກຜົນແຫ່ງການຟື້ນຕົວດີຂຶ້ນຂອງເສດຖະກິດທີ່ໄດ້ມາແມ່ນບໍ່ງ່າຍ.ທ່ານຊຸ່ຍຖຽນໄຄຍັງສະເຫນີວ່າ,ຫວັງຢາກໃຫ້ກອງປະຊຸມສຸດຍອດຄັ້ງນີ້ສືບຕໍ່ຄັດຄ້ານລັດທິປົກປ້ອງການຄ້າຢ່າງຫມັ້ນຫນຽວບໍ່ປ່ຽນແປງ,ສືບຕໍ່ເອົາໃຈໃສ່ນຳບັນຫາທີ່ເຫນືອໃຕ້ພັດທະນາຢ່າງບໍ່ດຸນດ່ຽງ,ຮັບຮູ້ເຖິງການປະກອບ ສ່ວນອັນຕັ້ງຫນ້າຂອງຕະຫຼາດຈະເລີນໃຫມ່ແລະປະເທດທີ່ພວມພັດທະນາທີ່ໄດ້ທຳເພື່ອເສດຖະກິດໂລກຟຶ້ນຕົວດີຂຶ້ນແລະເຕີບໂຕຢ່າງຖືກຕ້ອງຕາມຄວາມເປັນຈິງ,ເອົາໃຈໃສ່ນຳຄວາມຄິດຄວາມເຫັນຂອງຕະຫຼາດຈະເລີນໃຫມ່ແລະປະເທດທີ່ພວມພັດທະນາ, ເພີ່ມສິດປະກອບຄຳເຫັນແລະການເປັນຕົວແທນຂອງປະເທດເຫຼົ່ານີ້.
