ຈີນຕັ້ງໜ້າຊຸກຍູ້ການປະຕິບັດໂຄງການພະລັງງານສະອາດ100ໂຄງການທີ່ຊ່ວຍເຫຼືອອາຟຼິກາ
(GMT+08:00) 2011-10-30 14:20:58 cri
ວັນທີ29ຕຸລານີ້, ໃນກອງປະຊຸມຄັ້ງທີ1ຂອງເວທີປຶກສາຫາລືລະດົມຄວາມຄິດຈີນອາຟຼິກາ, ທ່ານລູຊາເຢ ເລຂາທິການໃຫຍ່ຄະນະກຳມະການຮັບຜິດຊອບສະໜັບສະໜູນເວທີປຶກສາຫາລືວ່າດ້ວຍການຮ່ວມມືລະຫວ່າງຈີນອາຟຼິກາ, ຫົວໜ້າກົມອາຟຼິກາກະຊວງການຕ່າງປະເທດຈີນກ່າວວ່າ, ເພື່ອຍົກຄວາມສາມາດໃນການປັບໂຕເຂົ້າກັບການປ່ຽນແປງຂອງດິນຟ້າອາກາດຂອງປະເທດອາຟຼິກາ, ຈີນໄດ້ຕັ້ງໜ້າຊຸກຍູ້ການປະຕິບັດໂຄງການພະລັງງານສະອາດ100ໂຄງການທີ່ຈີນຊ່ວຍເຫຼືອອາຟຼິກາຕະຫຼອດມາ, ເຊິ່ງລວມທັງໂຄງການພະລັງງານແສງຕາເວັນ, ແກັສຊີວະພາບ, ເຂື່ອນໄຟຟ້ານ້ຳຕົກຂະໜາດນ້ອຍແລະໂຄງການອື່ນໆ.
ແຜ່ນດິນໃຫຍ່ອາຟຼິກາມີຊັບພະຍາກອນອຸດົມສົມບູນ, ເຕັກນິກພັດທະນາແລະນຳໃຊ້ພະລັງງານຂອງອາຟຼິກາພັດຕ່ຳຫຼ້າຫຼັງ. ເດືອນພະຈິກປີ2009, ໃນກອງປະຊຸມລະດັບລັດຖະມົນຕີຂອງເວທີປຶກສາຫາລືວ່າດ້ວຍການຮ່ວມມືຈີນອາຟຼິກາທີ່ຈັດຂຶ້ນຢູ່ເມືອງຊາມ ເອວ ເຊັກ ຂອງເອຢິບ, ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ປະກາດ8ມາດຕະການໃໝ່ຂອງລັດຖະບານຈີນເພື່ອຊຸກຍູ້ການຮ່ວມມືລະຫວ່າງຈີນອາຟຼິກາ, ໃນນັ້ນລວມທັງພາຍໃນ5ປີຂ້າງໜ້າ, ຈີນຈະຊ່ວຍສ້າງໂຄງການພະລັງງານສະອາດຂະໜາດນ້ອຍ100ໂຄງການ ເຊັ່ນ: ເຂື່ອນໄຟຟ້ານ້ຳຕົກຂະໜາດນ້ອຍ, ພະລັງງານແສງຕາເວັນ, ແກັສຊີວະພາບແລະອື່ນໆ ໃຫ້ປະເທດພວມພັດທະນາໃນອາຟຼິກາ.
