ຈີນຈະສືບຕໍ່ສຸມກຳລັງເຂົ້າໃນການນຳໃຊ້ອະວະກາດທາງສັນຕິພາບ
(GMT+08:00) 2011-10-31 17:13:02 cri
ວັນທີ31 ຕຸລານີ້,ໃນກອງປະຊຸມຂ່າວທີ່ຈັດຂຶ້ນຢູ່ທີ່ສູນສົ່ງດາວທຽມຈຽວສວນ, ນາງອູຜິງ,ໂຄສົກຂອງໂຄງການການບິນອະວະກາດບັນ ທຸກມະນຸດຂອງຈີນກ່າວວ່າ,ຈີນຈະສືບຕໍ່ຊຸກຍູ້ການຮ່ວມມືດ້ານການບິນອະວະກາດສາກົນ,ເພື່ອສຸມກຳລັງເຂົ້າໃນການບິນອະວະກາດທາງສັນຕິ ພາບ.
ນາງອູຜິງກ່າວວ່າ,ຍານອະວະກາດ"ເສີນໂຈ່ວເລກ 8"ໄດ້ບັນທຸກເຄື່ອງປະກອບທີ່ນັກວິທະຍາສາດຈີນເຢຍລະມັນຮ່ວມກັນທົດລອງທາງວິທະ ຍາສາດ,ນັກວິທະຍາສາດຂອງສອງຝ່າຍຈະຮ່ວມມືດຳເນີນການທົດລອງທາງວິທະຍາສາດດກ່ຽວກັບຊີວິດຢູ່ໃນອະວະກາດ,ນີ້ແມ່ນການບິນອະວະກາດບັນທຸກມະນຸດຈີນດຳເນີນການຮ່ວມມືສາກົນເປັນຄັ້ງທຳອິດໃນຂົງເຂດການນຳໃຊ້ວິທະຍາສາດທາງອະວະກາດ,ມີຄວາມຫມາຍສຳຄັນໃນການຊຸກຍູ້ການຄົ້ນຄວ້າໃນຂົງເຂດວິທະຍາສາດແຮງຖ່ວງ,ວິທະຍາສາດກ່ຽວກັບຊີວິດຢູ່ໃນອະວະກາດແລະການພັດທະນາເຕັກນິກ.
ນາງອູຜິງກ່າວເນັ້ນວ່າ,ຄຽງຄູ່ກັບໂຄງການການບິນອະວະກາດບັນທຸກມະນຸດຂອງຈີນໄດ້ພັດທະນາຢ່າງບໍ່ຢຸດຢັ້ງ,ໃນໄລຍະຫຼັງຈາກຫ້ອງທົດລອງເທິງອະວະກາດແລະສະຖານີອະວະກາດ,ຈີນຈະສືບຕໍ່ດຳເນີນການຮ່ວມມືທີ່ແທ້ຈິງແລະແລກປ່ຽນຢ່າງຕັ້ງຫນ້າກັບປະເທດຕ່າງໆໃນໂລກ,ຮ່ວມມືກັບນັກວິທະຍາສາດຂອງປະເທດຕ່າງໆໃນໂລກຊຸກຍູ້ການພັດທະນາເຕັກນິກການບິນອະວະກາດຂອງໂລກບົນພຶ້ນຖານຫຼັກການທີ່ເຄົາລົບເຊິ່ງກັນແລະກັນ,ຕ່າງຝ່າຍຕ່າງມີຜົນປະໂຫຍດຢ່າງສະເຫມີພາບກັນ,ເປີດປະຕູຢ່າງໂປ່ງໃສ, ,ເພື່ອປະກອບສ່ວນອັນຕັ້ງຫນ້າເຂົ້າໃນການນຳໃຊ້ອະວະກາດໃນທາງສັນ ຕິພາບແລະສ້າງຄວາມຜາສຸກໃຫ້ແກ່ມວນມະນຸດ.
