ທ່ານຫູຈີນທາວເດີນທາງໄປຢ້ຽມຢາມນະຄອນຫຼວງວຽນແລະເຂົ້າຮ່ວມກອງປະຊຸມສຸດຍອດG20
(GMT+08:00) 2011-10-31 15:53:32 cri
ຕາມຂ່າວCRI: ໂດຍຕອບສະໜອງຕາມຄຳເຊີນຂອງທ່ານຮຽນສ ຟີເຊີປະທານາທິບໍດີໂອຕຼິສ, ທ່ານຫູຈີນທາວປະທານປະເທດຈີນໄດ້ເດີນທາງຮອດນະຄອນຫຼວງວຽນຂອງໂອຕຼິສໃນຕອນແລງວັນທີ30ຕຸລານີ້, ເລີ່ມຢ້ຽມຢາມທາງລັດຖະກິດຕໍ່ໂອຕຼິສ.
ນີ້ແມ່ນການຢ້ຽມຢາມຕໍ່ໂອຕຼິສເປັນເທື່ອທີ2ຂອງປະມຸກລັດຈີນຫຼັງຈາກ12ປີກ່ອນ. ເນື່ອງໃນໂອກາດທີ່ຈີນກັບໂອຕຼິສສ້າງສາຍພົວພັນທາງການທູດຄົບຮອບ40ປີ, ທ່ານຫູຈີນທາວຈະພົບປະກັບທ່ານຮຽນສ ຟີເຊີປະທານາທິບໍດີໂອຕຼິສແລະຈະພົບປະກັບນາຍົກລັດຖະມົນຕີ, ປະທານລັດຖະສະພາຂອງໂອຕຼິສ, ຊຶ່ງທັງສອງຝ່າຍຈະແລກປ່ຽນຄວາມຄິດຄວາມເຫັນກ່ຽວກັບການພົວພັນສອງຝ່າຍແລະບັນຫາພາກພື້ນແລະສາກົນທີ່ມີຄວາມສົນໃຈຮ່ວມກັນ.
