ງານສຳມະນາອາຊຽນເຫັນວ່າປະຈຸບັນຍັງບໍ່ທັນຮອດເວລາເໝາະສົມທີ່ຫາລືສ້າງຕັ້ງເງິນຕາຮ່ວມຂອງອາຊຽນ
(GMT+08:00) 2011-11-01 15:39:34 cri
ວັນທີ31ຕຸລາແລ້ວນີ້, ງານສຳມະນາອາຊຽນໄດ້ຈັດຂຶ້ນຢູ່ນະຄອນຫຼວງຈາກາຕາຂອງອິນໂດເນເຊຍ, ເຈົ້າໜ້າທີ່ແລະນັກວິຊາການທີ່ເຂົ້າຮ່ວມງານສຳມະນາເຫັນວ່າ, ແຜນການແລກປ່ຽນລະຫວ່າງປະເທດສະມາຊິກອາຊຽນຈະສ້າງຜົນປະໂຫຍດໃຫ້ແກ່ປະເທດຄູ່ເຈລະຈາ, ແຕ່ປະຈຸບັນຍັງບໍ່ທັນຮອດເວລາເໝາະສົມທີ່ຫາລືເພື່ອສ້າງຕັ້ງເງິນຕາຮ່ວມຂອງອາຊຽນ.
ງານສຳມະນາອາຊຽນຄັ້ງນີ້ແມ່ນທ່ານສຸຣິນ ພິດສຸວັນ, ເລຂາທິການໃຫຍ່ອາຊຽນເປັນຜູ້ລິເລີ່ມຈັດຂຶ້ນ, ຈຸດປະສົງແມ່ນປຶກສາຫາລືຄຳຄິດຄຳເຫັນຂອງຝ່າຍຕ່າງໆກ່ຽວກັບເປົ້າໝາຍໃນການສ້າງຕັ້ງປະຊາຄົມອາຊຽນໃນປີ2015, ຜົນໄດ້ຮັບຈາກກອງປະຊຸມຄັ້ງນີ້ຈະນຳສະເໜີໃຫ້ກອງປະຊຸມສຸດຍອດອາຊຽນທີ່ຈະຈັດຂຶ້ນຢູ່ເກາະບາຫຼີໃນເດືອນພະຈິກນີ້.
ທ່ານສຸຣິນ ພິດສຸວັນ, ເລຂາທິການໃຫຍ່ອາຊຽນໄດ້ກ່າວຢູ່ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນວ່າ, ແຜນການແລກປ່ຽນລະຫວ່າງອາຊຽນມີຜົນດີຕໍ່ຄວາມໝັ້ນຄົງແລະສະຖຽນລະພາບຂອງພາກພື້ນ, ຖ້າວ່າໃນພາກພື້ນນີ້ມີຄວາມຈະເລີນຮຸ່ງເຮືອງ, ຊົນຊັ້ນທີ່ມີລາຍໄດ້ປານກາງຫຼາຍຂຶ້ນເລື້ອຍໆ, ປະເທດຄູ່ເຈລະຈາຈະໄດ້ຮັບຜົນປະໂຫຍດ."ທ່ານໄດ້ກ່າວອີກວ່າ, ປະເທດອາຊຽນກໍ່ຕ້ອງການເຊື່ອມໂຍງກັບລະບຽບການສາກົນໃນດ້ານຕ່າງໆ, ເຊັ່ນ, ສິດຊັບສິນຂອງເຮືອນ, ການຍົກຍ້າຍໄປຕ່າງປະເທດ, ດ່ານພາສີ, ແລະມາດຕະຖານຜະລິດຕະພັນເປັນຕົ້ນ.
ທາງດ້ານນັກວິຊາການທີ່ເຂົ້າຮ່ວມງານສຳມະນາຄັ້ງນີ້ເຫັນວ່າ, ປະຈຸບັນຍັງບໍ່ທັນມີເງື່ອນໄຂພຽບພ້ອມໃນການຫາລືເພື່ອສ້າງຕັ້ງເງິນຕາຮ່ວມຂອງອາຊຽນ, ເພາະວ່າອາຊຽນຍັງມີວຽກງານສຳຄັນກວ່ານີ້ອີກຫຼາຍຢ່າງ, ແລະຄວນມີການຖອດຖອນເອົາບົດຮຽນດ້ານດີແລະດ້ານອ່ອນຂອງສະຫະພາບເອີລົບມານຳໃຊ້.
