ຍານອະວະກາດເຊີນໂຈວເລກ 8 ຂອງຈີນຖືກສົ່ງຂຶ້ນສູ່ອະວະກາດຢ່າງສຳເລັດຜົນ
(GMT+08:00) 2011-11-01 09:37:48 cri
ຕອນຮຸ່ງເຊົ້າວັນທີ 1 ພະຈິກນີ້, ທ່ານຊາງວ້ານຊວນ, ຜູ່ບັນຊາການໃຫຍ່ຂອງໂຄງການການບິນອະວະກາດບັນທຸກມະນຸດຂອງຈີນປະກາດຢູ່ສູນສົ່ງດາວທຽມຈິວ ຊວນວ່າ, ຍານອະວະກາດເຊີນໂຈວເລກ 8 ໄດ້ເຂົ້າສູ່ວົງໂຄຈອນທີ່ກຳນົດໄວ້,ແລ້ວຖືກສົ່ງຂຶ້ນສູ່ອະວະກາດຢ່າງສຳເລັດຜົນ.
ຍານອະວະກາດເຊີນໂຈວເລກ 8 ແມ່ນຖືກຈະຫລວດສົ່ງຍານຊາງເຈິ່ງເລກ 2-F ຢາວ-8 ສົ່ງຂຶ້ນສູ່ອະວະກາດຈາກສູນສົ່ງດາວທຽມຈິວຊວນ ທາງພາກຕາເວັນຕົກສຽງເຫນືອຂອງຈີນໃນເວລາ 5 ໂມງ 58 ນາທີ.
ຫນ້າທີ່ສຳຄັນຂອງຍານອະວະກາດເຊີນໂຈວເລກ 8 ແມ່ນ:ເຊື່ອມຕໍ່ກັບຍານອະວະກາດທຽນກົ່ງເລກ 1 ,ເຊິ່ງເປັນການທົດລອງການໃຫ້ຍານອະ ວະກາດເຊື່ອມຕໍ່ກັນເປັນຄັ້ງທຳອິດຂອງຈີນ, ເພື່ອ ຢືນຢັນເຕັກນິກເຊື່ອມຕໍ່ຂອງຍານອະວະກາດ;ສຳຫລວດຄຸນນະພາບຂອງຍານອະວະກາດເຊີນໂຈວແລະຈະຫລວດສົ່ງຍານຊາງເຈີນເລກ 2-F ,ແລະການປະສານງານລະຫວ່າງລະບົບຕ່າງໆ;ຢືນຢັນຮູບການດຳເນີນງານຂອງຍານອະວະກາດທັງສອງທີ່ເຊື່ອມຕໍ່ກັນແລະດຳເນີນການທົດລອງວິທະຍາສາດຢູ່ໃນອະວະກາດ.
ຍານອະວະກາດເຊີນໂຈວເລກ 8 ເປັນຍານອະວະກາດທີ່ບໍ່ໄດ້ບັນທຸກຄົນ.
