ຈີນກ່າວວ່າ ການສ້າງສາສັນຕິພາບຄືນໃໝ່ພາຍຫຼັງການປະທະກັນຄວນເຄົາລົບຂົງເຂດບູລິມະສິດທີ່ປະເທດກ່ຽວຕົກລົງ
(GMT+08:00) 2011-11-01 17:20:07 cri
ວັນທີ31ຕຸລາແລ້ວນີ້,ຢູ່ທີ່ນິວຢອກ,ທ່ານຫວາງມິນ, ຮອງຜູ້ແທນຈີນປະຈຳສະຫະປະຊາຊາດກ່າວຢູ່ສຳນັກງານໃຫຍ່ສະຫະປະຊາຊາດວ່າ, ການສ້າງສາສັນຕິພາບຄືນໃໝ່ພາຍຫຼັງການປະທະກັນຄວນເຄົາລົບສິດເປັນເຈົ້າຕົນເອງຂອງປະເທດກ່ຽວ,ຢືນຢັນຂົງເຂດບູລິມະສິດ,ແລະເສີມຂະຫຍາຍບົດບາດທາງດ້ານຊັບພະຍາກອນຢ່າງກວ້າງຂວາງທີ່ສຸດ.
ມື້ດຽວກັນ,ທ່ານຫວາງມິນກ່າວໃນກອງປະຊຸມທີ່ກ່ຽວຂ້ອງຂອງສະຫະປະຊາຊາດວ່າ, ການສ້າງສາສັນຕິພາບຄືນໃໝ່ພາຍຫຼັງການປະທະກັນຄວນເຄົາລົບສິດເປັນເຈົ້າຕົນເອງຂອງປະເທດກ່ຽວຢ່າງເຕັມສ່ວນ.ປະເທດທີ່ເກີດການປະທະກັນແລ້ວຄວນມີຄວາມຮັບຜິດຊອບສຳຄັນກວ່າເພິ່ນຕໍ່ການສ້າງສາສັນຕິພາບຂອງປະເທດຕົນ. ທ່ານກ່າວເນັ້ນວ່າ,ປະຊາຄົມໂລກຄວນເຄົາລົບຄວາມມຸ່ງມາດປາດຖະໜາຂອງປະເທດກ່ຽວໃນການດຳເນີນວຽກງານການສ້າງສາສັນຕິພາບ,ພະຍາຍາມຊ່ວຍປະເທດກ່ຽວເພີ່ມທະວີການພັດທະນາກຳລັງແຮງຂອງຊາດ,ຍົກສູງລະດັບການປົກຄອງ,ພ້ອມທັງຕ້ອງພິຈາລະນາເຖິງຄວາມແຕກຕ່າງກັນຂອງສະພາບແຫ່ງຊາດຂອງປະເທດທີ່ກ່ຽວຂ້ອງ,ຈັດຕັ້ງປະຕິບັດດ້ວຍຮູບການປະສານງານແລະເພື່ອແນໃສ່,
ເພີ່ມທະວີການພົວພັນຄູ່ຮ່ວມມືກັບປະເທດກ່ຽວ.
