ໄພນ້ຳຖ້ວມຢູ່ນະຄອນຫຼວງບາງກອກຂອງໄທໄດ້ຜ່ອນຄາຍລົງແຕ່ແລ້ວ
(GMT+08:00) 2011-11-01 19:26:09 cri
ຕາມຂ່າວສານຊິນຮວາ:ວັນທີ31 ຕຸລາແລ້ວນີ້,ທ່ານນາງຢິ່ງລັກ ຊິນນະວັດ ນາຍົກລັດຖະມົນຕີໄທກ່າວວ່າ,ປະຈຸບັນນີ້,ສະພາບນ້ຳຖ້ວມຢູ່ບາງກອກ"ໄດ້ຜ່ອນຄາຍ"ລົງແດ່ແລ້ວ, ສະພາບນ້ຳຖ້ວມອາດຈະບໍ່ຮ້າຍແຮງອີກແລ້ວ,ຖ້າ"ປະຕູລະບາຍນ້ຳທັງໝົດໄດ້ຮັບການຄວບຄຸມເປັນຢ່າງດີ",ໃນໜຶ່ງຫຼືສອງມື້ຂ້າງໜ້ານີ້,ສະພາບນ້ຳຖ້ວມຈະໝັ້ນທ່ຽງ.ທ່ານນາງຢິ່ງລັກກ່າວວ່າ,ປັດຈຸບັນ,ການລະບາຍນ້ຳພາກຕາເວັນອອກຂອງບາງກອກແມ່ນດຳເນີນໄປດ້ວຍດີ,ສະພາບນໍ້າຖ້ວມຢູ່ພາກຕາເວັນຕົກຍັງສືບຕໍ່ໄປອີກ,ມີບາງແຫ່ງນ້ຳຍັງຖ້ວມເປັນບໍລິເວນກ້າງ, ເຈົ້າໜ້າທີ່ໄດ້ມີຄຳສັ່ງໃຫ້ປະຊາຊົນຢູ່ເຂດເຫຼົ່ານີ້"ຍ້າຍອອກໄປຢູ່ບ່ອນປອດໄພພາຍໃນ48ຊົ່ວໂມງ".ທ່ານນາງຢິ່ງລັກ ຊິນະວັດຍັງກ່າວອີກວ່າ,ການສ້າງສາຄືນໃໝ່ພາຍຫຼັງໄພນ້ຳຖ້ວມອາດຈະໃຊ້ເວລາຢ່າງໜ້ອຍ3ເດືອນແລະຄາດວ່າຈະໃຊ້ງົວປະມານເຖິງ80ຕື້ບາດ.
