4ປະເທດເຫັນດີສ້າງກົນໄກຮ່ວມມືວ່າດ້ວຍການປະຕິບັດກົດໝາຍແລະຄວາມປອດໄພຕາມລຳແມ່ນ້ຳຂອງແມ່ນມີຄວາມໝາຍທາງປະຫວັດສາດ
(GMT+08:00) 2011-11-01 18:09:59 cri
ກອງປະຊຸມຮ່ວມມືວ່າດ້ວຍການປະຕິບັດກົດໝາຍແລະຄວາມປອດໄພຕາມລຳແມ່ນ້ຳຂອງລະຫວ່າງຈີນ, ລາວ, ມຽນມາແລະໄທ ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ31ຕຸລາແລ້ວນີ້. ກອງປະຊຸມໄດ້ຮັບຮອງບົດບັນທຶກອງປະຊຸມຮ່ວມມືວ່າດ້ວຍການປະຕິບັດກົດໝາຍແລະຄວາມປອດໄພຕາມລຳແມ່ນ້ຳຂອງ, ໄດ້ເຜີຍແຜ່ຖະແຫຼງການຮ່ວມວ່າດ້ວຍການຮ່ວມມືດ້ານການປະຕິບັດກົດໝາຍແລະຄວາມປອດໄພຕາມລຳແມ່ນ້ຳຂອງ. ທ່ານຈ່າງສົວກາງ ຮອງຫົວໜ້າຫ້ອງການອາຊີໃຕ້ແລະອາຊີອາຄະເນຂອງສະຖາບັນຄົ້ນຄວ້າການພົວພັນລະຫວ່າງຊາດຍຸກປະຈຸບັນຂອງຈີນເຫັນວ່າ, ການເຊັນສັນຍາວ່າດ້ວຍການຮ່ວມມືດ້ານການປະຕິບັດກົດໝາຍແລະຄວາມປອດໄພ ແມ່ນສອດຄ່ອງກັບຄວາມມຸ່ງມາດປາຖະໜາຂອງບັນດາຝ່າຍ, ທັງສອດຄ່ອງກັບຜົນປະໂຫຍດຂອງບັນດາຝ່າຍ, ແມ່ນຄວາມຄືບໜ້າທີ່ມີຄວາມໝາຍທີ່ປະດິດສ້າງ.
ໃນຖະແຫຼງການຮ່ວມວ່າດ້ວຍການຮ່ວມມືດ້ານການປະຕິບັດກົດໝາຍແລະຄວາມປອດໄພລຳແມ່ນ້ຳຂອງ, 4ປະເທດ ຄື ຈີນ, ລາວ, ມຽນມາແລະໄທໄດ້ມີຄວາມເຫັນເປັນເອກະພາບກັນ, ຈະນຳໃຊ້ມາດຕະການ, ເພີ່ມຄວາມສາມາດຢ່າງແຂງແຮງໃນການສືບສວນຄະດີຮ່ວມ, ປາບປາມຜູ້ກະທຳຜິດຢ່າງບັງເກີດຜົນ.
ທ່ານຈ່າງສົວກາງເຫັນວ່າ, ຈີນມີຊາຍແດນຕິດຈອດກັນກັບຫຼາຍປະເທດໃນອາຊຽນ, ມີການພົວພັນໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນ, ເກີດເຫດການຫຼອນໂຈມຕີຕາມລຳແມ່ນ້ຳຂອງ, ບໍ່ມີຜົນກະທົບຕໍ່ການພົວພັນລະຫວ່າງຈີນກັບປະເທດເຫຼົ່ານັ້ນ, ຮ່ວມກັນປາບປາມຜູ້ກະທຳຜິດ, ຫາກຈະສາມາດຊຸກຍູ້ການຮ່ວມມືກັນແລະຄວາມໄວ້ເນື້ອເຊື່ອໃຈກັນ.
ທ່ານຈ່າງສົວກາງເຫັນວ່າ, ກອງປະຊຸມຄັ້ງນີ້ໄດ້ຕົກລົງຈະສ້າງກົນໄກທີ່ໃຫ້4ປະເທດກວດກາລາດຕະເວນຮ່ວມ ແມ່ນຂ່າວດີສຳລັບການຊຸກຍູ້ແລະເພີ່ມທະວີການຮ່ວມມືທາງເສດຖະກິດໃນອະນຸພາກພື້ນແມ່ນ້ຳຂອງກ້າວເຂົ້າສູ່ລວງເລິກ.
ບໍ່ມີຄວາມປອດໄພຈະບໍ່ມີຄວາມຈະເລີນຮຸ່ງເຮືອງທາງເສດຖະກິດ, ຄວາມປອດໄພແມ່ນຄວາມຕ້ອງການທີ່ເປັນພື້ນຖານ. ພວກຂ້າພະເຈົ້າກໍຮູ້ສຶກດີໃຈທີ່ໄດ້ເຫັນຝ່າຍຕ່າງໆສະໜັບສະໜູນບັນຫານີ້. ຂ້າພະເຈົ້າເຊື່ອວ່າ, ການສ້າງແລະປະຕິບັດກົນໄກທີ່ໃຫ້4ປະເທດກວດກາລາດຕະເວນຮ່ວມ ຈະມີຜົນດີຊຸກຍູ້ການໄປມາຫາສູ່ດ້ານຄົມມະນາຄົມຕາມລຳແມ່ນ້ຳຂອງ, ແລ້ວມີຜົນດີຕໍ່ການຄົມມະນາຄົມຂົນສົ່ງທາງນ້ຳໃນອະນຸພາກພື້ນແມ່ນ້ຳຂອງ, ເຮັດໃຫ້ສິນຄ້າ, ບຸກຄະລາກອນແລະເງິນທຶນໄປມາຫາສູ່ກັນຢ່າງຮອຍດ້ານ, ຊຸກຍູ້ການຮ່ວມມືລະຫວ່າງຈີນກັບອາຊຽນໃນອະນຸພາກພື້ນແມ່ນ້ຳຂອງ, ພວກເຮົາມີຄວາມເຫັນໄປໃນທາງທີ່ດີຕໍ່ເລື່ອງນີ້ໃນອະນາຄົດ.
