ທ່ານໂຈ່ວຢົງຄ່າງ,ຕ້ອນຮັບຫົວໜ້າຄະນະຜູ່ແທນປະເທດຕ່າງໆທີ່ມາເຂົ້າຮ່ວມກອງປະຊຸມ ປະຕິບັດກົດໝາຍແລະຮ່ວມມືດ້ານຄວາມປອດໄພຕາມລຳແມ່ນ້ຳຂອງລະຫວ່າງຈີນລາວມຽນມາແລະໄທ
(GMT+08:00) 2011-11-01 11:44:38 cri
ຕາມຂ່າວສານຊິນຮວາ:ວັນທີ31ຕຸລາແລ້ວນີ້,ຢູ່ທີ່ປັກກິ່ງ,ທ່ານໂຈ່ວຢົງຄ່າງ,ກຳມະການປະຈຳກົມການເມືອງສູນກາງພັກຄອມມູນິດຈີນໄດ້ຕ້ອນຮັບທ່ານດວງໃຈ ພິຈິດ,ຮອງນາຍົກລັດຖະມົນຕີ,ທັງເປັນລັດຖະມົນຕີວ່າການກະຊວງປ້ອງກັນປະເທດລາວ,ທ່ານໂກໂກ,ລັດຖະມົນຕີວ່າການກະຊວງພາຍໃນມຽນມາແລະທ່ານໂກວິດ ວັດທະນະ,ຮອງນາຍົກລັດຖະມົນຕີໄທທີ່ໄດ້ເດີນທາງມາເຂົ້າຮ່ວມກອງປະຊຸມປະຕິບັດກົດໝາຍແລະຮ່ວມມືດ້ານຄວາມປອດໄພຕາມລຳແມ່ນ້ຳຂອງຂອງຈີນລາວມຽນມາແລະໄທ.
ທ່ານໂຈ່ວຢົງຄ່າງກ່າວວ່າ,ໂດຍຕອບສະໜອງຕໍ່ຂໍ້ລິເລີ່ມຂອງຈີນ,ລາວມຽນມາແລະໄທໄດ້ສົ່ງຄະນະຜູ່ແທນມາຈີນເພື່ອເຂົ້າຮ່ວມກອງປະຊຸມເທື່ອນີ້ຢ່າງວ່ອງໄວ,ຊຶ່ງໄດ້ສະແດງໃຫ້ເຫັນເຖິງຄວາມເອົາໃຈໃສ່ຕໍ່ວຽກງານຮັກສາຄວາມປອດໄພຂອງພາກພື້ນແຫ່ງນີ້ແລະມີຄວາມຮັກແພງຕໍ່ປະຊາຊົນຈີນ,ຈີນສະແດງຄວາມຂອບໃຈແລະຍິນດີຕ້ອນຮັບ.
ທ່ານໂຈ່ວຢົງຄ່າງຊີ້ອອກວ່າ,ຜ່ານການທຳຄວາມພະຍາຍາມຮ່ວມກັນຂອງຝ່າຍຕ່າງໆ,ປະຈຸບັນນີ້,ວຽກງານສືບສວນຄະດີ"5ຕຸລາ"ນັ້ນໄດ້ຮັບຄວາມຄືບໜ້າອັນສຳຄັນ.ຫວັງວ່າທຸກຝ່າຍຈະເພີ່ມທະວີການຮ່ວມປະສານງານກັນຕື່ມອີກ,ເພື່ອສືບສວນຫາຄວາມເປັນຂອງຄະດີນີ້.
